چلاس میں بدترین بجلی لوڈ شیڈنگ کا سلسلہ دو ماہ سے جاری ،محکمہ برقیات کے کانوں کان خبر نہیں۔

چلاس(ٹی این این)چلاس شہر اور اس کے مضافات میں اعصاب شکن بجلی لوڈ شیڈنگ کا سلسلہ دو ماہ سے جاری ،عوام عاجز آگئے،کاروباری اور گھریلوسرگرمیاں متاثر،عوام پریشان،گزشتہ دومہینوںسے چلاس ہرپن داس ،شاہین کوٹ،جلیل گاؤں،جچن،شلکٹ اور فاروق آباد کالونی میں لوڈ شیڈنگ کا دورانیہ 21گھنٹوں تک جا پہنچا ہے ،شہر بھر میں لوڈشیڈنگ عوام کیلئے عذاب جان بن گیا ہے ۔ان خیالات کا اظہار دیامر کے عوامی و سماجی حلقوں نے صحافیوں سے خصوصی گفتگوکرتے ہوئے کیا ۔انہوں نے کہا کہ محکمہ برقیات کی نااہلی اور غفلت کی وجہ سے چلاس شہر گزشتہ کئی سالوں سے اندھیرں میں ڈوبا ہو ا ہے ،اور عوام لالٹین اور موم بتی کی ٹمٹماتی ہوئی روشنی میں زندگی بسر کرنے پر مجبور ہیں ۔انہوں نے کہا کہ بٹو گاہ ویلی میں دو پاور ہاوس کی تعمیر اب تک مکمل نہ ہوسکی جبکہ چلاس شہر کیلئے بجلی سپلائی کرنے والے والے دیگر پاور ہاوس بھی محکمہ برقیات کی نااہلی اور غفلت کی وجہ سے جنریشن پاور دینے کے قابل نہیں رہے ہیں،تھور پاور ہاوس مکمل طور پر بند ہے ۔ ، تھک فیز۲ کی مشنری زنگ آلود ہوچکی ہے اور آئے روز پاور ہاوس کا کوئی نہ کوئی پرزہ ضرور خراب ہوتا ہے ،جس کو بہانہ بنا کر متعلقہ محکمہ کا عملہ عوام کو بجلی دینے کیلئے تیار نہیں ہوتے ہیں۔دیامر کے مختلف علاقوں میں زیر تعمیر پاور ہاوسس کی مشنری چلاس سب سٹیشن میں میں زنگ آلود ہوکر پڑی ہوئی ہے لیکن جس سے قومی خزانے کا کروڑں نقصان ہوچکا ہے اور مزید ہورہا ہے۔محکمہ برقیات نے کروڑں کی لاگت کا تھرمل جنریٹر خرید لیا ہے لیکن تیل بچاکر جنریٹر کو نہیں چلایا جارہا ہے ،یہ عوام کیساتھ ناانصافی اور ظلم ہے۔ انہوںنے کہا کہ سیکریٹری برقیات ان تمام لوٹ مار کا ادراک رکھنے کے باوجود چپ کا روزہ رکھا ہوا ہے جبکہ چلاس میں اندھیر نگری کا بازار گرم ہے،سیکریٹری برقیات فوٹو سیشن سے فرصت ملنے پر چلاس شہر میں مصنوعی بجلی لوڈ شیڈنگ کی وجوہات بھی جاننے کی کوشیش کریں۔انہوں نے کہا ک چلاس شہر میں محکمہ برقیات کے سینکڑوں ملازم ہیں ،لیکن ڈیوٹی پر چند ایک حاضر ہیں،اور ان میں سے بھی غریب ملازمین سے ڈیوٹی لی جارہی ہے جبکہ بااثر وہاں پر بھی آزاد گھر بیٹھ کر تنخوہیں کھا رہے ہیں ،مگر پوچھنا والا کوئی نہیں ہے ۔انہوںنے کہا کہ چیف سیکرٹری اور دیگر زمہ دار حکام دیامر میں بجلی کے بحران پر قابوپانے کیلئے اقدامات کریں ،اور کرپٹ عملہ کے خلاف ایکشن لیں ،تاکہ دیامر میں بجلی کا نظام بحال ہوسکے۔