اہم خبریں

چلاس شہر میں ہزاروں سال پرانی تہذیب دیامر بھاشاد ڈیم کی ذد میں، محکمہ آثار قدیمہ بے خبر۔

چلاس(شہاب الدین غوری)چلاس شہر میں واقع ہزاروں سال پرانی تہذیب ڈیم کی ذد میں آئیگی ۔ابھی تک اس تہذیب کو محفوظ رکھنے کیلئے قابل ذکر اقدامات نہیں کئے گئے ہیں ۔قبل عیسوی کی اس تہذیب پر درجنوں جرمن طلباء نے تحقیقاتی مقالے بھی لکھے ہیں ۔
دیامر کے حدود میں پچاس ہزار سے زائد یہ نقوش ایک عہد اور تہذیب کی یاد دلاتے ہیں ۔بدقسمتی سے یہ نقوش پاکستان اور پھر پاکستان کے سب سے پسماندہ ترین ضلع دیامر میں ہونے کی وجہ سے حکومتی سطح پر اس تاریخی اور قیمتی اثاثے کو ابتدا سے اہمیت نہیں دی گئی جس کی وجہ سے مقامی لوگ بھی اہمیت نہیں دیتے ہیں ۔
صوبائی حکومت کو چاہئے کہ وہ اس تہذیب کو محفوظ رکھنے کیلئے ،آثار قدیمہ میوزیم۔کے نام سے کسی سرکاری عمارت کو میوزیم کا درجہ دیکر ان کو محفوظ کریں جس سے ایک طرف سالانہ لاکھوں روپے حکومتی خزانے میں ریونیو جمع ہوگا اور دوسری طرف اس میوزیم کی وجہ سے چلاس شہر کا امیج بھی بہتر ہوگا ۔