اہم خبریں

ضلعی انتظامیہ شگر تاحال میونسپل کے ادارے فعال نہیں کر سکے،افرادی قوت سےخالی ادارہ کارکردگی کا مظاہرہ کرنے میں بری طرح ناکام

شگر(نامہ نگار) ضلع کے درجہ ملنے کے باوجود میونسپل شگر فعال نہ ہوسکا ۔افرادی قوت سے یکسر محروم ادارہ کارکردگی کا مظاہرہ کرنے میں مکمل ناکام ۔مشتہر پوسٹوں پر بھی تعیناتیاں نہ ہوسکا ۔امیدواروں کی جانب سے جمع ہونے والے کاغذات بھی سڑنے لگا تفصیلات کے مطابق ضلع کا درجہ ملنے کے باوجود شگر میں افرادی قوت سے محرومی کے باعث میونسپل کی کارکردگی صفر ہوکر رہ گیا ہے ذرائع کا کہنا ہے کہ میونسپل کی جانب سے دفتر بھی تیار کیا ہوا ہے اور دفاتر کو ضرورت کے پیش نظر چیف میونسپل آفیسر کی درخواست پر پوسٹوں کو کئی ماہ قبل مشتہر کردیا گیاتھا جس پر ہزاروں افراد نے درخواستیں بھی جمع کرادی تھی لیکن درخواست جمع ہو تقریبا ایک سال ہونے والا ہے لیکن ادارے کو تاحال ان درخواستوں کی جانچ پڑتال کرکے اہل افراد کو بھرتی کرنے کے لئے نہ خود اجازت دے رہی ہے اور نہ محکمے کے مقامی زمہ داروں کو اس سلسلے میں کوئی اختیار دیا گیا ہے جس کے باعث جمع شدہ درخواستیں بھی سڑنے لگے ہیں اور نوجوانوں میں مایوسی بھی بڑ رہی ہے ساتھ ساتھ افرادی قوت سے یکسر محروم ادارے کی کارکردگی بھی صفر ہوکر رہ گئی ہے ۔