سابق صدر جنرل پرویز مشرف کو نون لیگ کی حکومت کے خاتمے کا شدت سے انتظار۔ اپنی آمدنی بھی ظاہر کردی۔

اسلام آباد (ویب ڈیسک )سابق صدر پرویز مشرف نے کہا ہے جب میں نے پاکستان چھوڑا تو میرے پاس صفر اثاثے تھے، مجھے ایک لیکچر کے ایک لاکھ پینتالیس ہزار ڈالر ملتے ہیں۔ ایک انٹرویو میں مشرف نے کہا کہ میرے اثاثے جب بھی پوچھیں گے جواب دے دون گا۔ منی ٹریل تلاش کی جائے گی تو کچھ نہیں ملے گا۔ میں نے سب کچھ اپنے زور بازو سے بنایا۔ لندن میں تین بیڈ روم کا فلیٹ ہے۔ میں بہت خوش ہوں۔ مجھے سیکیورٹی کا نہیں بلکہ حکومت کی طرف سے نشانہ بنانے کا خطرہ ہے۔ انہوں نے کہا کہ سابق چیف جسٹس افتخار محمد چودھری نواز شریف کی تھالی سے کھا رہے تھے، انہوں نے ان کو الیکشن جتوایا جبکہ شجاعت کی کتاب میں لکھی باتوں سے میں اتفاق نہیں کرتا۔ انہوں نے کہا کہ عمران خان ابھی تک سولو فلائٹ کر رہے ہیں، وہ خود کو اوور ایسٹیمیٹ کر رہے ہیں، میں نے ان کو کبھی وزیر اعظم کے عہدے کی آفر نہیں کی، پرویز مشرف نے کہا ن لیگ کے عزائم خطرناک ہیں۔ عدلیہ اور فوج سے تصادم چاہتی ہے۔ آرٹیکل 62، 63 کا غلط استعمال روکنا چاہیے، اس میں ترمیم کے حق میں ہوں۔ انہوں نے کہا کہ احسن اقبال نواز شریف کے اشارے پر میرے خلاف بول رہے ہیں، جب یہ پکے چلے جائیں گے تب میں پاکستان آنے میں آسانی محسوس کرونگا۔ انہوں نے کہا خواجہ آصف کی نااہلی کا فیصلہ بالکل صحیح ہے۔