اہم خبریں

فیض اللہ فراق کا جگہ پرُ کرنے کیلئے حبیب الرحمن عرف شاکا کا نام سرفہرست۔

گلگت(چیف رپورٹر) گلگت بلتستان صوبائی حکومت کے ترجمان کے لئے مسلم لیگ ن کے کوارڈینٹر حبیب الرحمن مضبوط امیدوار بن گئے ۔جی بی حکومت کے اہم وزراء اور مسلم لیگ ن کے مرکزی رہنماوں نے وزیر اعلی گلگت بلتستان سے حبیب الرحمن عرف شاکا کو ان کے پارٹی کے لئے شاندار خدمات پر صوبائی ترجمان بنانے کے لئے مشورہ دے دیا۔مسلم لیگ ن کے زرائع کے مطابق حبیب الرحمن شاکا نے گلگت بلتستان میں پارٹی کے مشکل وقت میں پارٹی کو میڈیا میں زندہ رکھا اور دن رات پارٹی کے لئے اپنی صلاحتیں بروئے کار لایا جس کی وجہ سے صوبائی ترجمان کے لئے حبیب الرحمن سے بہتر کوئی امیدوار نہیں ہے ۔اس حوالے سے اہم مسلم لیگی رہنماوں نے وزیر اعلی سے حبیب الرحمن شاکا کو صوبائی ترجمان کے لئے رائے دی ہے جس پر وزیر اعلی کی کچن کابینہ کی اکثریتی رائے بھی شامل ہے باخبر زرائع کے مطابق اس حوالے سے اندرون خانہ اس حوالے سے اہم مشاورت جاری ہے اور بہت جلد حبیب الرحمن شاکا کو گلگت بلتستان حکومت کا ترجمان مقرر کرنے کے حوالے سے ائندہ چند روز میں اہم فیصلہ متوقع ہے۔جس پر ن لیگ گلگت بلتستان کے کارکنان میں خوشی کی لہر دوڑی ہے۔