اہم خبریں

سرائیکی صوبہ کے مطالبے میں جدت آگئی، اہم سیاسی شخصیت نے نام بھی تجویز کردیا۔

لاہور(ویب ڈیسک) سابق گورنر پنجاب و مرکزی رہنماء تحریک انصاف ملک غلام مصطفٰی کھر نے کہا ہے کہ سرائیکی صوبہ وقت کی ضرورت ہے، کیونکہ آبادی بہت بڑھ گئی ہے، سرائیکی صوبے کا نام سرائیکستان ہونا چاہئے کیونکہ یہ نام خوبصورت بھی ہے اور آئیڈیل بھی ہے، یہ نام کسی لسانیت کو جنم نہیں دیتا کیونکہ یہ لفظ ادیبوں، صحافیوں، سیاست دانوں اور سرائیکی وسیب میں رہنے والے سب لوگوں کی مشترکہ آواز ہے، ملک غلام مصطفٰی کھر نے کہا کہ انشاءاللہ پاکستان تحریک انصاف سرائیکی قوم کو ضرور شناخت دے گی، انہوں نے عمران خان صاحب کو سرائیکی صوبہ بنانے کی گزارش کی ہے، انہوں نے کہا ہے کہ پاکستان تحریک انصاف اقتدار میں آکر ضرور سرائیکی قوم کو صوبے کا تحفہ دے گی، سرائیکی صوبہ اور کالا باغ ڈیم پاکستان کیلئے اہم ہیں، کالا باغ ڈیم بننے سے پاکستان میں غربت ختم ہو جائے گی بلکہ پاکستان سپر پاور بن جائے گا، انہوں نے کہا کہ یہ دونوں کام انشاءاللہ پاکستان تحریک انصاف آئندہ الیکشن جیت کر ضرور کرے گی۔