اہم خبریں

کسٹم کلیئرنگ کے نئے نظام سے گلگت بلتستان کے تاجروں کو فائدہ نہیں سب سے زیادہ نقصان ہوگا۔ صدر ایوان تجارت گلگت بلتستان

گلگت (چیف رپورٹر) صدر ایوان تجارت و صنعت گلگت بلتستان ناصر حسین راکی نے چیف کسٹم کلکیٹر کی جانب سے جاری ہونے والے اخباری بیان کو جھوٹ اور اور ناقابل عمل قراردیکر مسترد کردیا ،کسٹم کلیئرنگ کے نئے نظام سے گلگت بلتستان کے تاجروں کو فائدہ نہیں سب سے زیادہ نقصان ہوگا ،سوست اور ملک کے دیگر صوبوں کے کسٹم کلیئرنگ نظام میں زمین و آسمان کا فرق ہے نئے نطام سے پہلے سے زیادہ پیچیدہ گیاں پیدا ہونگی اس نظام سے حکومت کو تو فائدہ ہوسکتا ہے تاجروں کو ہرگز نہیں ہوگا اور نہ اس نئے نظام کے حوالے سے کوئی آگاہی تربیت یا ورکشاپ کا انعقاد ہوا ہے معلوم نہیں کسٹم حکام نے کس کے ساتھ مشاورت کی ہے اگر تاجروں کے مسائل حل نہیں ہوئے اور نئے قانون کو ختم نہیں کیا گیا تو دمادم مست قلندر ہوگا پورے گلگت بلتستان کے تاجر روڈر احتجاج کیلئے اٹھ کھڑے ہونگے،،