گلگت بلتستان ڈیزاسٹر منیجمنٹ اتھارٹی میں عجب کرپشن کی غضب کہانی ۔وزیر اعلیٰ پر سنگین الزام۔

استور (نامہ نگار خصوصی) گلگت بلتستان ڈیزاسٹر منیجمنٹ آتھارٹی میں پچاس خالی آسامیوں کو مشتہر کرنے کے بعد ڈائریکٹر جنرل کا تبادلہ کرکے اپنے من پسندوں کو بھرتی کرنے کا منصوبہ تیار کرلیا گیا ہے۔ حفیظ الرحمن نے سرکاری محکموں کے سربراہان کو گھر کی لونڈی بنا کر رکھا ہے۔ یحیی آخونزادہ کا تبادلہ کرکے وزیراعلیٰ نےاپنے محلے کے بندے کو ڈایزاسٹر منیجمنٹ محکمے کے اختیارات تفویض کرکے چوون آسامیاں ڈکارنے پورا پروگرام بنایا ہے۔ چیف سکریٹری خاموش تماشائی کا کردار ادا کرنے کے بجائے حقیقی معنوں میں آپنا کردار ادا کریں۔ مسلم لیگ کی حکومت نے میرٹ کا جنازہ نکال کر رکھ دیا ہے۔ ڈایزاسٹر منیجمنٹ میں ہونے والے ٹیسٹ کی شفافیت پر سوالیہ نشان ہے۔ حکومت حقدار کا حق مار کر خود کو پارسا بنا رہی ہے۔ پیپلز پارٹی ایسے اقدامات کے خلاف سیسہ پلائی ہوئی دیوار ثابت ہوگی۔ ان خیالات کا اظہار پیپلز پارٹی استور کے سنئیر نائب صدر مظفر ریلے نے آخباری نمائندوں سے گفتگو کرتے ہوئے کیا۔ انہوں نے کہا کہ خالی آسامیوں کو پر کرنے کے لئے اشتہار یحیی آخونزادہ نے مشتہر کیا۔ چوون نشستوں پر ہاتھ صاف کرنے کے لئے وزیرآعلی نے آپنے محلے سے آپنے قریبی عزیز کو ذمہ داریاں سونپ کر ٹیسٹ کی شفافیت کو متنازعہ بناکر رکھ دیا ہے۔ یہ طریقہ کار سمجھ سے بالاتر ہے۔ وزیرآعلی ہاؤس میں امیدواروں کی لسٹیں فائنل ہونگی ۔ چیف سکریٹری نہ جانے کیوں خاموش تماشائی کا کردار ادا کررہے ہیں۔ چیف سکریٹری آپنا کردار ادا کریں۔ ورنہ ہم میرٹ کے قاتلوں کے خلاف میدان میں آئینگے