اہم خبریں

پاک بھارت مذاکرات مسلہ کشمیر کی حل سے مشروط، وزیر داخلہ کا بھارت کو دو ٹوک جواب۔

اسلام آباد ( ویب ڈیسک )وزیرداخلہ احسن اقبال نے کہا ہے کہ عالمی امن کے لئے پاکستانی قوم نے اپنی جان مال سب قربان کیا، مشکلات کے باوجود عالمی اور علاقائی سطح پر دہشتگردی کے خلاف پر عزم رہا، دہشتگردی کے خاتمے سے ہی پاکستان اصل منزل کی جانب گامزن ہے، فورسز، سیاستدان اور میڈیا سمیت ہر شعبے نے دہشتگردی کے خلاف کردار ادا کیا،پاکستان نے دہشتگردی کے خاتمے کے لئے موثر اقدامات کیے، الزام تراشی کے بجائے باہمی تعاون سے دہشتگردی کو ختم کیا جاسکتا ہے،مسئلہ کشمیر کے حل تک پاکستان بھارت تنازعات حل نہیں ہوسکتے۔ تفصیلات کے مطابق وزیرداخلہ احسن اقبال نے بین الاقوامی انسداد دہشتگردی فورم سے خطاب کرتے ہوئے کہا کہ موجودہ دور میں نوجوان نسل کے لئے سب سے بڑا چیلنج دہشتگردی کا تھا،پاکستان مشکلات کے باوجود دہشتگردی کے خلاف عالمی اور علاقائی سطح پر پرعزم رہا،دہشتگردی کی اس جنگ میں ہماری سیکورٹی فورسز،سیاستدانوں اور میڈیا سمیت ہر شعبے نے دہشتگردی کے خلاف بھرپور کردار ادا کیا ہے۔ توقع ہے کہ ہم دہشتگردی کے خلاف متحد ہوکر کامیابی کا سفر طے کریں گے،الزام تراشی کی بجائے باہمی تعاون کے ذریعے دہشتگردی سے نمٹا جاسکتا ہے تاہم مسئلہ کشمیر کے حل تک پاکستان اور بھارت کے درمیان تنازعات حل نہیں ہوسکتے۔