اہم خبریں

چلاس شاہین کوٹ ایر پورٹ محلہ اور جلیل گاوں میں بجلی لوڈ شیڈنگ کا جن بے قابو۔عوام پریشان۔

چلاس(فخر عالم)چلاس شاہین کوٹ ایر پورٹ محلہ اور جلیل گاوں میں بجلی لوڈ شیڈنگ پر قابو نہیں پایا جاسکا ،آئے روز بجلی کی انکھ مچولی سے صارفین عاجز آگئے ہیں ،مگر متعلقہ حکام خواب خرگوش کی نیند سوئے ہوئے ہیں ۔گزشتہ تین مہینوں سے مذکورہ محلوں میں صرف رات کے وقت ۴ گھنٹے بجلی دی جاتی ہے اور اُن چار گھنٹوں کے دوران بھی اکثر بجلی کی انکھ مچولی جاری رہتی ہے ۔ان خیالات کا اظہار شاہین کوٹ اور جلیل گاوں کے مکینوں نے میڈیا سے بات چیت کرتے ہوئے کیا ۔انہوں نے کہا کہ چلاس شہر میں بجلی کی لوڈ شیڈنگ پر قابو پانے کیلئے اب تک کوئی حکمت عملی نہیں بنائی گئی ہے جس کی وجہ سے عوام گزشتہ ایک عرصے سے پریشان ہیں ۔انہوں نے کہا کہ سیکریٹری برقیات نوٹس لیکر لوڈ شیڈنگ کے خاتمے کیلئے عملی اقدامات اُٹھائیں ۔