گلگت (پریس ریلیز) پیپلز پارٹی بے نقاب ہو چکی ہے یہ گلگت بلتستان کے امپاورمنٹ سے مخلص نہ تھی اور نہ ہے۔پیپلز پارٹی گلگت بلتستان کی عوام کو اپنا ہاری اور خود کو وڈیرہ شاہی سمجھتی ہے۔گلگت بلتستان کے سیاسی حقوق کی جدوجہد آج کامیابی سے ہمکنار ہوئی ہے۔ان خیالات کا اظہار مشیر اطلاعات گلگت بلتستان شمس میر نے اسلام آباد میں گلگت بلتستان کے طلباء اور نوجوانوں کے وفد سے ملاقات میں کہی۔انہوں نے کہا کہ گلگت بلتستان کے آج اور کل کے مستقبل کو روشن منزل کی طرف کر دیا گیا ہے تاکہ گلگت بلتستان خوشحال اور با وقار معاشروں میں اپنا مقام بنا سکے۔انہوں نے کہا کہ رہنما کا کام ہوتا ہے کہ قوم کی رہنمائی کرے۔ مسلم لیگ (ن) کی قومی صوبائی قیادت نے رہنمائی کا حق ادا کرتے ہوئے گلگت بلتستان کو جھوٹے نعروں اور سبز باغوں کے دعوﺅں سے نجات دلا کر تعمیر و ترقی،خوشحالی اور پرامن مستقبل دیا ہے۔انہوں نے نئی اصلاحات کےلئے گلگت بلتستان کی تمام سیاسی و مذہبی جماعتوں،بار ایسوسی ایشنز اور سماجی فورمز کو بھی مبارک باد دی۔جنہوں نے موجودہ سیاسی اصلاحات کو دانشوارانہ نقطہ نظر میں دیکھا اور آج پرنٹ میڈیا،الیکٹرانک و سوشل میڈیا پر ان اصلاحات کو عوام قدر کی نگاہ سے خراج تحسین پیش کررہے ہیں۔انہوں نے کہا کہ گلگت بلتستان کو با اختیار سیاسی، پارلیمانی اور مالیاتی نظام کی ضرورت ہے۔یہ ماڈل موجودہ اصلاحات میں موجود ہے ا ور اس با اختیار ماڈل کے تحت گلگت بلتستان ہانگ کانگ اور سنگاپور کی طرح تیز ترین ترقی کی راہ پر گامزن ہوگا۔ مشیر اطلاعات نے کہا کہ امجد ایڈووکیٹ یہ جانتا ہے کہ مسلم لیگ (ن) اور حافظ حفیظ الرحمن کی صوبائی حکومت نے گلگت بلتستان کی تعمیر و ترقی کے بعد گلگت بلتستان کی سیاسی اصلاحات پر بھی مثالی کامیابی حاصل کرکے میدان مار لیا ہے۔جس نے پیپلز پارٹی کی سیاست کو دفن کر دیا ہے امجد ایڈووکیٹ اور پیپلز پارٹی کا باقی ٹولہ اب صرف بیانات کی حد تک رہ گیا ہے اور صرف فیس سیونگ کررہا ہے۔انہوں نے کہا کہ پیپلز پارٹی نے اپنے دور میں بد ترین کرپشن،بدامنی اور رنگ رلیوں سے اپنا منہ کالا کیا اور اب مکافات عمل سے دوچار ہے۔پیپلز پارٹی گلگت بلتستان کو صرف ایڈہاک سیسٹم پر رکھنا چاہتی ہے اس پارٹی نے گلگت بلتستان کو بدنامی اور محرومی کے سوا کچھ نہیں دیا۔اب یہ حقوق کی ڈگڈگی بجاتی ہے، پیپلز پارٹی اتنی مخلص ہوتی تو اپنے دور حکومت میں گلگت بلتستان کو آئینی حقوق دیتی، پیپلز پارٹیٰ کی اس منافقانہ پالیسی کو عوام سمجھ چکی ہے۔
Gilgit-Baltistan’s first online premier news network
GilgitBaltistan
More Stories
1971 کی جنگ نے خطہ لداخ کی محبت سے کی ہوئی شادی شدہ جوڑے کو کس طرح جدا کردیا درد ناک کہانی
خطہ بلتستان لداخ بارڈر پر پاک بھارت کے فوجی ایک دوسرے سے سگریٹ ڈرائی فروٹ کا تبادلہ کرتے ہیں مگر بچھڑے ہوئے خاُندانوں کو ملنے کیلئے لداخ سکردو روڈ آخر کیوں نہیں کھول رہا؟
عوامی ایکشن کمیٹی دو گروپوں میں تقسیم کے بعد ایک گروپ نے غذر روڑ بند کرنے کا اعلان کردیا اور غذر کے عوام کا بڑا بیان سامنے اگیا