اہم خبریں

میڈیا ہاوس پر چھاپے کا معاملہ، قوم پرست رہنما انتظامیہ پر برس پڑے۔

استور(عابدپروانہ) استور گلگت بلتستان نیشنل مومنٹ کے چرمین ڈاکٹر غلام عباس نے کہا ہے کہ صوبائی حکومت اپنی نااہلی کوچھپانے کے لئے میڈیاء ہاوسس میں غیر قانونی چھاپے لگاکر سچائی کا گلہ گونٹنے کی ناکام کوشش کررہی ہے جس کی ہم بھرپور مذمت کرتے ہیں روزنامہ ہمالیہ ٹوڈے کے ہیڈ آفس میں چھاپے میں ملوس آفرد کے خلاف سخت کاروائی عمل میں لائی جائیں۔ تفصلات کے مطابق گلگت بلتستان نیشنل مومنٹ اور استور سپریم کونسل کے چرمین ڈاکٹر غلام عباس نے گزشتہ روز صحافیوں سے گفتگو کرتے ہوئے کہا کہ صوبائی حکومت اپنی ناآہلی اور کرپشن کو چھپانے کے لئے حق اور سچ لکھنے والوں کی آواز کو دبانے کی ناکام کوشش کررہی ہے جس کی ہم بھر پور مذمت کرتے ہیں انہوں نے کہا کہ اگر یہ غیر قانونی کام صوبائی حکومت کے کہنے پر نہی ہوا ہے تو صوبائی حکومت اس واقے کا نوٹس آب تک کیوں نہی لے رہی ہے انہوں آئی جی گلگت بلتستان چیف سیکرٹری گلگت بلتستان سے مطالبہ کیا ہے کہ روزنامہ ٹوڈے اخبار کی ٹیم کو حراساں کرنے والوں کے خلاف کاروائی عمل میں لاتے ہوئے ہمالیہ اخبار کی پوری ٹیم کو سیکیورٹی فراہم کی جائیں۔