اہم خبریں

بلاخر سکردو انتظامیہ جاگ گئے اور اہم اعلان کردیا۔

سکردو(ڈسٹرک رپورٹر) گلگت بلتستان میں غیرمعیاری اور مضر صحت اشیاء خوردنوش کی خرید فروخت کے حوالے سے مسلسل میڈیا کمپئین کے بعد ضلع سکردو انتظامیہ اہم اعلان کردیا۔ تفصیلات کے مطابق سب ڈویژنل مجسٹریٹ نے سکردو بھر میں بڑی مرغیوں کو مضر صحت قرار دیکر دو کلو سے زائد مرغیوں کی خرید، فروخت پر مکمل پابندی عائد کردی ہے۔ مجسٹریٹ آفس کی جانب سے جاری کردہ اعلامئے کے مطابق ضلع سکردو کے تمام یونین کونسل میں کہیں کسی جگہ حکومت کی طرف سے ممنوع کردہ مرغیوں کی فروخت کی صورت میں دوکان سیل اور بھاری جرمانہ عائد کیا جائے گا۔

دوسری طرف بلتستان کے دیگر اضلاع کے انتظامیہ اس حوالے سے بلکل ہی غافل نظر آتا ہے بلتستان کے دیگر اضلاع میں مانسہرہ سے جعلی غذائی اشیاء اور بیمار بھینس اور مرغیاں براہ راست اُن اضلاع کیلئے ترسیل کیا جارہا ہے لیکن تینوں اضلاع میں ابھی تک اس حوالے سے چیکنگ کا کوئی طریقہ کار وضع نہیں کیا ہے ۔