اہم خبریں

پی آئی اے نے گلگت بلتستان کے عوام کو خوشخبری سُنا دی۔

سکردو ( ڈسٹرک رپورٹر) سکردو میں کمشنر بلتستان اور سینئر وزیر گلگت بلتستان قانون ساز اسمبلی حاجی اکبر تابان سے خصوصی گفتگو کرتے ہوئے قومی آئرلائن کے چیف ایگزیکٹیو آفیسر مشرف رسول نے کہا ہے کہ گلگت بلتستان کیلئے سروسزکو بہتر بنایاجارہا ہے، سیاحت کے موسم میں روزانہ کی بنیاد پر کم سے کم چارٹر فلائٹس شروع کی جائیں گی۔اُنکا کہنا تھا کہ حکومت کی بہتر پالیسیوں سے امن و امان کی صورتحال بہتر ہے اگر پی آئی اے کی فلائٹس چلتی رہیں تو بلتستان میں سیاحوں کی آمد میں مزید اضافہ ہوسکتا ہے جس سے علاقے کی معاشی ترقی کی راہ ہموار ہوگی،عوام کی معاشی حالت بہتر ہوگی،علاقے میں غیر ملکی سیاحوں کی آمد میں پی آئے اے کانمایاں کردار ہے۔اس موقع پرڈی سی سکردو نے پی آئی اے کے حکام کو بلتستان کی تاریخٰی ،جغرافیائی،سیاحتی شعبوں کے بارے میں تفصیلی بریفنگ دی ۔
یاد رہے اس وقت گلگت بلتستان کے عوام کیلئے فلائٹس ایک عذاب سے کم نہیں جہاں عوام نہ صرف کئی دنوں تک انتظار کرنا پڑتا ہے بلکہ ٹکٹ کنفرم کرنے کیلئے بھی ایجنٹوں کو اضافی رقم دے بغیرسیٹ کنفرم ناممکن ہوچُکی ہے۔