ٹیکس مخالف احتجاج میں شدت آگئی، ملک بھر میں بھی شدید احتجاج۔ گلگت بلتستان کیلئے آذاد کشمیر طرز کے سیٹ اب کا مطالبہ۔

اسلام آباد( پ،ر) گلگت بلتستان میں جاری ٹیکس مخالف تحریک میں شدت آگئی ہے ایک طرف گگت بلتستان کے تمام اضلاع میں شدید سردی اور مسلسل برف باری کے باوجود عوام اپنے بنیادی حقوق کیلئے سراپا احتجاج نظر آتا ہے دوسری طرف گلگت بلتستان کے عوام سے اظہار یکجہتی کیلئے کراچی،اسلام آباد اور لاہور میں مقیم گلگت بلتستان کے یوتھ نے آج اپنے حقوق کیلئے پریس کلب کے سامنے شدید احتجاج کیا۔ احتجاج میں گلگت بلتستان حکومت کے خلاف شدید نعرے بازی بھی کی گئی اور وفاق پاکستان سے گلگت بلتستان کو دیگر صوبوں کے برابر حقوق دئے بغیر زبردستی ٹیکس کے فیصلے کو واپس لینے کا مطالبہ کیا ہے۔ اس موقع پر مقررین نے گلگت بلتستان میں جاری عوامی تحریک کی میڈیا کوریج نہ دینے پر پاکستان کے الیکٹرانگ میڈیا کو شدید تنقید کا نشانہ بنایا۔ مقررین کا کہنا تھا کہ اقوام متحدہ کے قرادادوں کے مطابق ایک متنازعہ خطہ ہے لہذا مسلہ کشمیر کی حل تک کیلئے گلگت بلتستان کو آذاد کشمیر طرز پر بااختیار سیٹ دیا جائے۔