اہم خبریں

سکردو شہر میں ٹریفک بحال رکھنے کیلئے سڑکوں سے برف ہٹانے کیلئے ڈپٹی کمشنر میدان میں کود پڑا

سکردو(پ ر) ڈپٹی کمشنر سکردو حافظ کریم داد چغتائی نے اسسٹنٹ کمشنر سکردو کے ہمراہ پورے سکردو شہر کا دورہ کیا اور برف باری کی صورت حال کا جائزہ لیا۔ اور سڑکوں سے برف ہٹانے کے حوالے سے احکامات جاری کئے۔ انہوں نے کہا کہ متعلقہ محکموں کے ساتھ ملکر جلد از جلد سڑکوں سے برف کو صاف کریں اور اس کے ساتھ مختلف مقامات اور چوک چوراہوں پر روڈ پر مٹی پھینکیں تاکہ کسی بھی قسم کے رونما ہونے والے حادثے کا سدباب کیا جا سکے۔ علاوہ ازیں موجودہ موسمی صورت حال کو مدنظر رکھتے ہوئے ڈپٹی کمشنر نے ان تمام محکموں کے آفیسران کو ہدایات دی جب تک موسم کی صورت حال بہتر نہیں ہوتی تمام سٹاف کو اپنے اپنے سٹیشنوں پے ڈیوٹی پر موجود رہیں۔ انہوں نے مزید کہا کہ حادثات کے سدباب کے لئے سڑکوں سے برف کو صاف کرنا ایک بہت ہی ضروری امر ہے اور ہم اس حوالے سے اپنے تمام محکمہ جات کے سٹاف کو روڈز سے برف ہٹانے کے کام پر لگا دیا ہے۔