مردم شماری میں ڈیوٹی انجام دینے والے محکمہ پولیس شگر کے اہلکار ابھی تک مردم شماری الاؤنس سے محروم۔سرکاری خزانے سے جاری الاؤنس کہاں گیا کسی کو معلوم نہیں۔

شگر(تحریرنیوز)مردم شماری میں ڈیوٹی انجام دینے والے محکمہ پولیس شگر کے اہلکار ابھی تک مردم شماری الاؤنس سے محروم۔سرکاری خزانے سے جاری الاؤنس کہاں گیا کسی کو معلوم نہیں۔ذرائع کے مطابق اس سال ہونے والے قومی مردم شماری میں سکیورٹی کے فرائض انجام دینے والے شگر پولیس کے آفیسران اور اہلکار تا حال مردم شماری الاؤنس سے محروم ہیں۔ دیگر اضلاع کے اہلکاروں کو رزانہ کی بنیاد پر الاؤنس جاری کیا جاچکا ہے۔ جبکہ صرف ضلع شگر کے پولیس اہلکاروں کیساتھ یہ زیادتی روا رکھا ہوا ہے۔ذرائع کامطابق مردم شماری میں حصہ لینے والے تمام سرکاری اور سکیورٹی اہلکاروں کیلئے باقاعدہ ڈیلی الاؤنس رکھا ہوا تھا۔ جوکہ نہ صرف مردم شماری اہلکاروں بلکہ سکیورٹی فورس کے اہلکاروں کو دیا گیا ہے لیکن صرف ضلع شگر کے پولیس کو اس الاؤنس سے محروم رکھا گیا ہے جوکہ سرارسر ضلع شگر کے پولیس کیساتھ زیادتی ہے۔ضلع شگر کی پولیس اہلکاروں نے نہ صرف ضلع شگر میں ڈیوٹی انجام دی بلکہ گانچھے کے دور دراز علاقوں میں مردم شماری ڈیوٹی انجام دیا گیا تھا۔تاہم الاؤنس کی عدم فراہمی کے بعد ان اہلکاروں میں سخت مایوسی پائی جارہی ہے۔ان اہلکاروں نے حکام بالا سے مطالبہ کیا ہے کہ وہ ان کے الاؤنس کہاں گیا تحقیقات کرکے ان کی حق ان کو دلایا جائے۔