شگر(عابدشگری) اہلیان چھورکاہ شگر نے علاقے کی بڑھتی ہوئی چوری کی وارداتوں اورمویشیوں کی پراسرار گمشدگی سے تنگ آکر اس کی روک تھام کیلئے ڈپٹی کمشنر ، اسسٹنٹ کمشنر ،سپرنٹنڈنٹ اور سٹیشن ہاؤس آفیسر ضلع شگر کے نام کھلا خط لکھ دیا۔جس میں لکھا ہے کہ یونین کونسل چھورکاہ زرخیزی کے ساتھ ساتھ امن پسندی میں اپنی مثال آپ ہے. یہاں کے عوام باشعور، ایماندار اور با صلاحیت ہیں.جناب والا یہاں میں آپ کی خدمت میں نہایت ہی اہم مسئلہ کو اجاگر کرنا چاہتا ہوں اور یہ ایشو بدقسمتی سے بار بار سر اٹھاتا رہا ہے اور اس کا مکمل سدباب نظر نہیں آتا.پچھلے سالوں میں ڈکیتی کے بہت سے واقعات ہوئے ہیں جن میں بھیڑ بکریوں کی چوری اور دکانوں کا صفایا شامل ہیں اور ان سے عوام کو لاکھوں کا نقصان ہوا لیکن متعلقہ اداروں کی جانب سے کوئی پیش رفت دکھائی نہیں دی. جس سے عوام میں سخت تشویش ہے.بدقسمتی سے ان جرائم پیشہ افراد نے پھر سے سر اٹھانا شروع کر دیا ہے جن کی تازہ واردات میں موضع ریسر کی مسجد کا چندہ بکس کا توڑنا ہے. اور ساتھ ہی ساتھ مختلف محلوں میں رات کے دوسرے تیسرے پہر دو تین بندوں کو پھرتے دیکھا گیا ہے جوکہ بروقت لوگوں کے جاگ جانے کے بعد فرار ہونے میں کامیاب ہو گئے ہیں.اس لیے جناب والا سے استدعا ہے کہ بروقت کارروائی کرتے ہوئے عوام کے مال و دولت کی حفاظت کی جائے..
ضلع شگر میں چوری کی وارداتوں میں مسلسل اضافہ، عوام نے ضلعی انتظامیہ کے نام کھلا خط لکھ دیا۔
More Stories
1971 کی جنگ نے خطہ لداخ کی محبت سے کی ہوئی شادی شدہ جوڑے کو کس طرح جدا کردیا درد ناک کہانی
خطہ بلتستان لداخ بارڈر پر پاک بھارت کے فوجی ایک دوسرے سے سگریٹ ڈرائی فروٹ کا تبادلہ کرتے ہیں مگر بچھڑے ہوئے خاُندانوں کو ملنے کیلئے لداخ سکردو روڈ آخر کیوں نہیں کھول رہا؟
عوامی ایکشن کمیٹی دو گروپوں میں تقسیم کے بعد ایک گروپ نے غذر روڑ بند کرنے کا اعلان کردیا اور غذر کے عوام کا بڑا بیان سامنے اگیا