ضلع کھرمنگ میں سیاحتی مقامات پر صفائی کے نامناسب انتظامات کی وجہ سے گندگی کے ڈھیر۔

کھرمنگ(ٹی این این) گلگت بلتستان بھر کی طرح ضلع کھرمنگ میں سیاحت کا موسم شروع ہوتے ہی سیاحوںنےاُمڈ کر آنا شروع کردیا ہے لیکن اس حوالے سے حکومت کی جانب سے پیشگی طور پر مناسب انتظامات نہ ہونے کی وجہ سے گندگی انتظامی حوالے سے بدترین صورت حال نظر آرہا ہے ۔ضلع بھر کے سیاحتی مقامات پر صفائی اور صفائی کے حوالے سے مناسب اگاہی کے انتظامات نہ ہونے کی وجہ سے سیاحتی مقامات کے ارد گرد گندگی ڈھیر نظر آتا ہے۔ ضلع کھرمنگ کے سیاحتی مقامات پر ماحولیاتی آلودگی سے بچاو اور صاف شفاف پانی کو غلاظت سے روکنے کیلئے گزشتہ سالوں کی طرح اس سال بھی کوئی مناسب انتظام نہیں۔ ضلع کھرمنگ منٹھو کھا آبشار اور خموش آبشار کا احاطہ ایک طرح گندی اور کچرا پھینکنے کی جگے کا منظر پیش کر رہا ہے جو کہ محکمہ سیاحت کی کوتاہی اور غیرذمہ داری کا منہ بولتا ثبوت ہے۔ ضلع بھر میں بلدیاتی نظام نہ ہونے کی وجہ سے سیاحتی مقامات پر ناقص صفائی کے انتظامات ضلعی انتظامیہ کی کارکردگی پر بھی سوالیہ نشان ہے۔ منٹھوکھا آبشار سے متصل نالہ پورے علاقے کیلئے صاف پانی کا واحد ذریعہ ہے لیکن اس ندی کا پانی سیاحتی مقام سے گزرنے اور پانی کی تحفظ کیلئے ہوٹل انتظامیہ اور ضلعی انتظامیہ کی جانب سے مناسب انتظامات نہ ہونے کی وجہ سے علاقے پورے علاقے کیلئے پینے کا صاف پانی ہر گزرتے دن کے ساتھ ناقابل استعمال ہوتی ہے جس کی وجہ سے بیماریاں پھیلنے کا شدید خدشہ ہے۔کھرمنگ انتظامیہ کو چاہئے کہ سیاحتی مقامات کی نگرانی اور صفائی ستھرائی کیلئے اقدامات کریں تاکہ ماحولیاتی آلودگی اور پانی میں غلاظت ملنے کی وجہ سے پھلنے والے بیماریوں کو بچایا جاسکے۔