اہم خبریں

پی آئی اے کا ہیڈ کوارٹرز اسلام آباد منتقل کرنے کا فیصلہ،حکومت نے اہم اعلان کردیا۔

اسلام آباد (ویب ڈیسک/ٹی این این)وفاقی وزیر ہوابازی غلام سرور خان نے واضح کیا ہے کہ پی آئی اے کا ہیڈ کوارٹرز اسلام آباد منتقل کرنے کا فیصلہ نہیں ہوا، جو بھی فیصلہ ہو گا قومی مفاد اور پی آئی اے کی بہتری کیلئے ہو گا۔ پیر کو سینٹ میں پی آئی اے کا ہیڈ کوارٹرز کراچی سے اسلام آباد نہ منتقل کرنے کے حوالے سے قرارداد پر اظہار خیال کرتے ہوئے انہوں نے کہا کہ قرارداد پر بحث کے دوران بہت اچھی تجاویز سامنے آئی ہیں، ایک سروے رپورٹ بھی ہمارے سامنے موجود ہے، اس ادارے کو ہم نے بہتر بنانا ہے، ایمریٹس ایئر لائنز کی بنیاد پی آئی اے نے رکھی تھی لیکن وہ آج ہم سے بہت آگے ہیں، ماضی میں ہم نے ہر معاملے کو سیاست کی نذر کیا لیکن اب ایسا نہیں ہوگا۔ انہوں نے کہا کہ دیکھا جائے تو شمالی علاقوں سے امریکہ، کینیڈا، برطانیہ، خلیجی ممالک اور دیگر ملکوں کیلئے مسافر زیادہ ہوتے ہیں، اس وقت پی آئی اے کے 12 ہزار مستقل اور 6 ہزار ڈیلی ویجز ملازمین ہیں، 70 افسران کو تبدیل کرنے سے کوئی فرق نہیں پڑتا۔