اہم خبریں

جعلی شادی سکینڈل ؛ حساس اداروں نےمزید دو سہولت کار اور چینی جوڑا لاہور سے گرفتار کرلیا۔

لاہور(ویب ڈیسک/ٹی این این)حساس ادارے اور پولیس کی کارروائی، چائنیز مردوں سے سنہرے خواب کا جھانسہ دیکر لاہور کے میرج بیورو کی شادیاں کروانے والی خاتون سمیت چینی جوڑا اور ایک سہولت کار شخص گرفتار کر کے پولیس نے ایف آئی اے کے حوالے کر دیا، مزید چار چینی جوڑوں کی گرفتاری کیلئے پولیس کے چھاپے جاری ہیں۔منڈی بہائوالدین میں پانچ غریب خاندانوں نے بیٹیوں کو سنہرے مستقبل کیلئے لاہور میرج بیورو کی خاتون کے لالچ دینے پر چائینر نوجوانوں سے بیاہ دیا، حساس ادارے اور پولیس نے مشترکہ کارروائی کر کے چینی جوڑے ایک سہولت کار سمیت میرج بیورو لاہور کی خاتون کو گرفتار کرلیا اور انہیں ابتدائی تفتیش کے بعد ایف آئی اے کے حوالے کر دیا گیا۔ضلع میں چائینز مردوں کی جانب سے لاہور میرج بیورو کی مدد سے پانچ انتہائی غریب خاندانوں سے تعلق رکھنے والی نوعمر لڑکیوں کے ساتھ خود کو مسلمان ہونے کا سرٹیفیکیٹ دکھا کر شادیاں کی گئیں، پولیس مزید چار جوڑوں کو تلاش کیلئے چھاپے مار رہی ہے۔