گلگت( خصوصی رپورٹر) غذر رکن گلگت بلتستان قانون ساز اسمبلی اور قوم پرست رہنما نواز ناجی نے کہا ہے کہ خطے کے جنگلات کے حوالے سے جو بل آج اسمبلی میں پاس ہوئہ ہے وہ پر انتہائی خطرناک قانون ہےجس کے تحت اب دیامر سمیت گلگت بلتستان کے جنگلات پر مقامی باشندگان کے بجائے فاریسٹ ڈیپارٹمنٹ کی اجارہ داری قائم ہوگی سوچی سمجھی سازش کے تحت ایک عوام دشمن قانون کے ذریعے لوگوں کو ان کے ملکیتی جنگلات سے بے دخل کرنے کی کوشش کی گئی ہے جس سے سب سے زیادہ متاثر جنگلات میں خود کفیل دیامر کے عوام ہوں گے انہوں نے کہا کہ جب قانون ساز اسمبلی میں یہ بل پیش کیا گیا تو واحد منتخب ممبر کے طور پر سخت مخالفت کی اور اجلاس کا بائیکاٹ کرنا پڑا سپیکر کی جانب سے رولنگ دینے کے باوجود کسی ممبر اسمبلی نے اس ظالم اور خطرناک بل کے خلاف بات نہیں کی بلکہ متفقہ طور پر اس قانون کو اسمبلی کا حصہ بنایا گیا انہوں نے مزید کہا کہ گلگت بلتستان کی قوم اپنے منتخب ممبران سے پوچھیں کہ انہوں نے اس عوام دشمن بل کے حق میں ووٹ کیوں دیا؟جس کے تحت اب مقامی جنگلات بھی ہاتھ سے نکل کر فاریسٹ ڈیپارٹمنٹ کی ملکیت میں جائیں گے اب مقامی لوگوں کو زبردستی ان کے مالکانہ حقوق سے محروم کرکے ان کے جنگلات پر قبضہ کیا جائے گا نواز ناجی نے فاریسٹ ایکٹ کی سختی سے مزمت کرتے ہوئے قوم سے اپیل کی ہے کہ وہ اس قانون کو پاس کرنے والے تمام ممبران کے خلاف سڑکوں پر نکل آئیں تاکہ اس متنازعہ قانون کو واپس لیا جائے۔
گلگت بلتستان کے جنگلات پرمحکمہ جنگلات کی اجارہ داری، قانون ساز اسمبلی میں بل منظور۔
More Stories
1971 کی جنگ نے خطہ لداخ کی محبت سے کی ہوئی شادی شدہ جوڑے کو کس طرح جدا کردیا درد ناک کہانی
خطہ بلتستان لداخ بارڈر پر پاک بھارت کے فوجی ایک دوسرے سے سگریٹ ڈرائی فروٹ کا تبادلہ کرتے ہیں مگر بچھڑے ہوئے خاُندانوں کو ملنے کیلئے لداخ سکردو روڈ آخر کیوں نہیں کھول رہا؟
عوامی ایکشن کمیٹی دو گروپوں میں تقسیم کے بعد ایک گروپ نے غذر روڑ بند کرنے کا اعلان کردیا اور غذر کے عوام کا بڑا بیان سامنے اگیا