گلگت میں گلگت بلتستان سیاسی حالات کے تناظر میں کے عنوان سےسیمنار، لوکل اتھارٹی کے قیام کا مطالبہ۔

گلگت(ٹی این این) گلگت کے مقامی ہوٹل میں گلگت بلتستان سیاسی حالات کے تناظر میں کے عنوان سے سیمنار کا انعقاد کیا۔ سیمنار سے گلگت بلتستان اور آذاد کشمیر کے کئی اہم سیاسی سماجی رہنماوں رکن گلگت بلتستان قانون ساز اسمبلی اور بلاورستان نیشنل فرنٹ (ناجی) کے سپریم لیڈر نواز خان ناجی، ممتاز قانون دان سابق صدر گلگت بلتستان بار کونسل،سابق چیرمین عوامی ایکشن کمیٹی احسان علی ایڈووکیٹ، پاکستان تحریک انصاف گلگت بلتستان کے سینئر رہنماء ابرار علی بگورو، ر اجہ میر نواز میر، پاکستان پیپلز پارٹی گلگت بلتستان کے سینئر رہنماء ایڈووکیٹ اشفاق احمد، جموں کشمیر لبریشن فرنٹ کے رہنماء توقیر گیلانیاور دیگر نے شرکت کی۔ سمینار سے خطاب کرتے ہوئے نواز خان ناجی نے گلگت بلتستان کے حوالے سے اقوام متحدہ کے قراداد پر اکہتر سالوں عملدرآمد نہ ہونے پر انتہائی تشویش کا اظہار کیا ۔ اُنکا کہنا تھا کہ گلگت بلتستان کے عوام کا حق ہے کہ وہ اپنے معاملات کو خود چلائیں اور اقوام متحدہ کے قراداد کے مطابق ریاست پاکستان مسلہ کشمیر کی حل کیلئے رائے شماری ہونے تک اس خطے کی صرف نگرانی کریں۔ ایک سوال کے جواب میں اُنہوں نے کہا کہ گلگت بلتستان اسمبلی بے اختیار ہے اور وفاق مسلم لیگ کی حکومت کو داخلی خود مختاری قرار دیتے ہیں جو کہ عوام کے ساتھ دھوکہ ہے اور یہاں اقوام متحدہ کی نگرانی میں انتخابات کرانے کی ضرورت ہے تاکہ معلوم ہوسکے کہ گلگت بلتستان کے عوام کیا چاہتے ہیں۔ اُنکا کہنا تھا کہ اس وقت گلگت بلتستان الیکشن کے نام پر ڈارمہ ہوتا ہے جس کے بارے میں ہر ایک کو علم ہے۔ سیمنار سے خطاب کرتے ہوئے گلگت بلتستان بار کونسل کے سابق صدر اور سابق چیرمین عوامی ایکشن کمیٹی احسان علی ایڈوکیٹ نے کہا کہ گلگت بلتستان کو اب مزید سیاسی طور پر حقوق سے محروم رکھا نہیں جاسکتا لہذا وقت کا تقاضا ہے کہ مسلہ کشمیر کی حل تک کیلئے گلگت بلتستان کے حوالے سے اقوام متحدہ کے قراداد 13 اگست 1948 پر عمل درآمد کرکے گلگت بلتستان میں لوکل اتھارٹی کے قیام کو یقینی بنائیں۔ اُنکا کہنا تھا کہ گلگت بلتستان کی بھی طرح سے اب کسی طرزی نظام کا محمل نہیں لہذا ہمیں اختیار دیا جائے کہ گلگت بلتستان کے لوگ اپنا آئین خود بنائیں اور اپنے وسائل کی تحفظ کیلئے پالیسی بنائیں اس وقت اسمبلی ضرور ہے لیکن اختیارات سے خالی ہے جو کہ ہم اس وقت دیامر کے جنگلات کے حوالے سے جو ہورہا ہے دیکھ رہے ہیں۔ اُنکا کہنا تھا جس طرح آذاد کشمیر کو ایکٹ دیا ہوا ہے لیکن اُس ایکٹ میں وسائل پر اُنکو بھی اختیار نہیں لہذا ہم اپنے وسائل پر اختیار والا نظام چاہتے ہیں جو کہ مسلہ کشمیر کے تناظر میں ہمارا بین الاقوامی قوانین کے مطابق حق ہے۔ سیمنار سے جموں کشمیر لیبریشن فرنٹ کے رہنماوں سے دیگر سیاسی سماجی رہنماوں نے خطاب کیا اور گلگت بلتستان اور آذاد کشمیر کے درمیان سیاسی دوریوں کو مزید کم کرنے کیلئے اس طرح کے سمینار کے انعقاد پر زور دیا۔