اہم خبریں

گلگت بلتستان کے وکلاءتنظیموں کا مشترکہ پریس کانفرنس،سپریم کورٹ سے بڑا مطالبہ۔

گلگت (ٹی این این) گلگت میں پریس کانفرنس کرتے ہوئےوکلاء تنظیموں نے مشترکہ طور پرسپریم کورٹ آف پاکستان سے بڑا مطالبہ کردیا۔ وکلاء رہنماوں احسان علی ایڈووکیٹ،جاویداقبال ایڈووکیٹ،کمال حسین ایڈووکیٹ،شوکت علی ایڈووکیٹ نے گلگت پریس کلب میں پریس کانفرنس کرتے ہوئے مطالبہ کیا ہے کہ عدالت عظمٰی گلگت بلتستان میں ججز اور ملازمتوں میں مقامی وکلا،ججز اور مقامی افراد کو تعینات کیا جائے۔اُنکا کہنا تھا کہ سپریم ایپلیٹ کورٹ گلگت بلتستان کے چیف جسٹس کے لیے متنازعہ شخصیت کی تعیناتی کے لیے گورنر جی بی کی طرف سے خفیہ سمری بجھوانا گلگت بلتستان کے وکلا برادری کے حقوق پر خودکش حملہ ہے لہذا پاکستان کے عدالت عالیہ اس حوالے سے نوٹس لیں اور گلگت بلتستان کو اس خطے کی متنازعہ حیثیت کے مطابق عدالتی نظام اور عدالتوں میں تعیناتی کے عمل کو یقینی بنائیں بصورت دیگر وکلا ء برداری احتجاج پر مجبور ہونگے۔