اہم خبریں

پہلے آڈٹ ہوگا؛وزیر اعظیم کی جانب سے ادویات کی قیمتوں میں کمی کا حکم موخر۔

اسلام آباد(ٹی این این)وفاقی وزیر صحت عامر کیانی نے ڈریپ کو ادویات کی قیمتوں سے متعلق اسپیشل آڈٹ کرانے کا حکم دے دیا۔دواؤں کی قیمتوں میں از خود اضافے کے معاملے پر وفاقی وزیر صحت نے گزشتہ حکومت کی کارکردگی سامنے لانے کا فیصلہ کر لیا۔ وزارت قومی صحت نے اسپیشل آڈٹ کے لیے آڈیٹرجنرل آف پاکستان کو خط لکھ دیا۔وزارت صحت کی جانب لکھے گئے مراسلہ میں کہا گیا ہے کہ ڈرگ ریگولیٹری اتھارٹی آف پاکستان (ڈریپ) کا سال 2013 سے 2018 تک قیمتوں کے حوالے سے اسپیشل آڈٹ کیا جائے جب کہ آڈٹ کا مقصد اندازہ لگانا ہے کہ قیمتوں کا تعین منصفانہ ہے یا نہیں اور ادویات کی قیمتوں کا تعین شفاف پالیسی کے مطابق اور قانون کی رو سے کیا گیا یا نہیں۔
وفاقی وزیر صحت عامر کیانی نے کہا کہ ڈریپ سے متعلق اکثر میڈیا میں بے ضابطگیوں کے الزامات سامنے آتے ہیں جب کہ ضرورت اس بات کی ہے کہ ڈریپ کو شفافیت اور کارکردگی کے اعلی معیار پر چلایا جائے کیونکہ اس سے ادارے کے حوالے سے عوام میں اعتماد پیدا ہو گا۔عامر کیانی کے مطابق آڈیٹرجنرل کو ہدایت کی ہے کہ ادویات کی قیمتوں کا سال 2013 سے لے کر اب تک اسپیشل آڈٹ کیا جائے۔

https://twitter.com/MNHS_PK/status/1116970907589804032