اہم خبریں

ضلع ہنزہ ویسٹ منیجمنٹ کمپنی کا افتتاح نہ ہونے کے باعث شہر کی صفائی کا کام تعطل کا شکار۔

ہنزہ(پ،ر) بلتت یوتھ آرگنائزیشن BYO کا کے صدر محمدفضائل نے میڈیا کے نمائندوں سے گفتگو کرتے ہوئے کہنا تھا کہ کریم آباد ہنزہ کے نوجوانوں کی نمائندہ تنظیم بلتت یوتھ آرگنائزیشن اور کریم آباد ہنزہ کے نوجوانوں کی مدد سے گذشتہ دنوں کریم آباد ہنزہ میں صفائی مہم میں ہنزہ میونسپل کمیٹی اور ویسٹ منیجمنٹ کمپنی کی تعاون قابل تعریف ہے۔ کمیٹی اور ویسٹ منیجمنٹ کمپنی کا باقاعدہ افتتاح نہ ہونے کے باوجود تعاون کرکے نوجوانوں کی حوصلہ افزائی کرنا ان اداروں کے اہلکاروں کی علاقے سے لگاو کو ظاہر کرتا ہے۔ جبکہ ہنزہ میں میونسپل کمیٹی اور ویسٹ منیجمنٹ کمپنی کے ملازمین تنخواہوں سے محروم ہیں۔ اس موقع پر انہوں نے وزیر اعلی گلگت بلتستان حافظ حفیظ الرحمن سے مطالبہ کیا کہ جلد ہنزہ میونسپل کمیٹی اور ویسٹ منیجمنٹ کمپنی کا باقاعدہ افتتاح کرکے ہنزہ جیسے اہم سیاحتی مقام میں صاف ستھرائی کا اہتمام کیا جائے۔یاد رہے کہ ضلع ہنزہ میں میونسپل کمیٹی اور ہنزہ ویسٹ منیجمنٹ کمپنی کا عملہ پہنچا ہے صرف افتتاح نہ ہونے کے باعث صاف صفائی کا کام التواء کا شکار ہے۔