0
0
گلگت(پ،ر) گلگت بلتستان کو تقسیم کرنے کی کوشش کسی صورت درست اقدام نہیں ہو سکتا کل تک آزاد کشمیر کو بھی ملا کر گلگت بلتستان کی وحدت قائم کرنے کے نظریات کے حامل لوگ اب گلگت بلتستان کی وحدت کو ہی سبوتاژ کرنے پر تلے ہیں. گلگت بلتستان ایک وحدت ہے جو ہمیشہ قائم رہیگی. گلگت بلتستان کے بنیادی مسائل کے حل کیلئے سنجیدہ اقدامات اٹھانے کی ضرورت ہے اس طرح کے مبھم اور تقسیم کے فارمولے سامنے لانے کا مقصد صرف عوامی توجہ اور گلگت بلتستان میں بڑھتے سیاسی شعور کو کمزور کرنے کی کوشش ہے. ان خیالات کا اظہار مولانا سلطان رئیس چئیرمین عوامی ایکشن کمیٹی گلگت بلتستان نے اپنے بیان میں کیا انہوں نے مزید کہا کہ اس طرح کے فارمولے اس سے پہلے بھی سامنے آتے رہے ہیں گلگت بلتستان کی جغرافیائی اور سیاسی مستقبل کے بارے کسی بھی فرد کو اپنی رائے قائم کرنے اور خواہشات کے اظہار کا پورا حق حاصل ہے مگر سب سے زیادہ ذمداری گلگت بلتستان صوبائی حکومت کی بنتی ہے مگر بدقسمتی سے ہماری اسمبلی میں آٹے کی چند بوریوں اور کلوٹ سازی سمیت اپنے مراعات میں اضافہ کرانے کیلئے گزشتہ تین سال سے اسمبلی میں شد ومد کے ساتھ سیشنز ہوئے ہیں لیکن قومی مسائل کے حوالے سے ایک بھی سیشن نہیں بلایا گیا ہے. انہوں نے مزید کہا کہ اب جاتے جاتے دونوں ہاتھوں سے سمیٹنے کے خیال سے 17 میگا واٹ تھرمل جنریٹر اور سمارٹ میٹر سمیت دیگر پراجیکٹس کے مد میں بندر بانٹ کی تیاری ہورہی ہے انہوں نےکہا کہ اگر صوبائی حکومت گلگت بلتستان سے لوڈشیڈنگ کے خاتمے کیلئے اتنا ہی فکر مند اور سنجیدہ ہے تو وہ تھرمل کے مد میں کرپشن کے نظر ہونے والے پیسے کو کسی اچھی جگہ پر لگا کر کوئی منصوبہ شروع کیا جائے جس سے مستقبل میں فائدہ ہو سکے
More Stories
1971 کی جنگ نے خطہ لداخ کی محبت سے کی ہوئی شادی شدہ جوڑے کو کس طرح جدا کردیا درد ناک کہانی
خطہ بلتستان لداخ بارڈر پر پاک بھارت کے فوجی ایک دوسرے سے سگریٹ ڈرائی فروٹ کا تبادلہ کرتے ہیں مگر بچھڑے ہوئے خاُندانوں کو ملنے کیلئے لداخ سکردو روڈ آخر کیوں نہیں کھول رہا؟
عوامی ایکشن کمیٹی دو گروپوں میں تقسیم کے بعد ایک گروپ نے غذر روڑ بند کرنے کا اعلان کردیا اور غذر کے عوام کا بڑا بیان سامنے اگیا