وزیراعظم عمران خان کا قوم سے مختصر خطاب،بھارت کو ایک بار پھر مذاکرات کی پیشکش ۔

اسلام آباد( ویب ڈیسک/ٹی این این )وزیراعظم عمران‌ خان نے بھارت کوایک بار پھر مذاکرات کی پیشکش کرتے ہوئے کہا جنگ کسی بھی مسئلےکاحل نہیں، بیٹھ کربات چیت سےمسائل حل کرنے چاہئیں، جارحیت کی توجواب دیناہماری مجبوری ہوگی۔تفصیلات کے مطابق وزیراعظم عمران‌ خان نے قوم سے خطاب کرتے ہوئے کہا کل سےجوصورتحال ہےچاہتاتھا قوم کواعتمادمیں لوں ، پلواما حملے کے بعد بھارت کوتحقیقات میں مدد کی پیشکش کی اور بھارت کوکہاان کےپاس ثبوت ہیں تودیں۔وزیراعظم کا کہنا تھا کہ بھارت کوآفرکی تھی کسی طرح بھی تحقیقات چاہتےہیں تعاون کیلئےتیارہیں، پاکستان کےمفادمیں نہیں کہ ہماری سرزمین استعمال کی جائے، ہم بھارت سےمکمل تعاون کیلئےتیارتھے، خدشہ تھا اس کے باوجود بھارت کوئی ایکشن لےگا۔
عمران خان نے کہا بھارت کوکہاتھاجارحیت کی توجواب دیناہماری مجبوری ہوگی، یہ کسی کواجازت نہیں کہ وکیل اورجج وہ خودبن جائے، بھارت کواسی لیے کہا ہمیں اپنےدفاع میں جوابی کارروائی کرناہوگی۔
بھارت کوپیغام دیاکہ آپ دراندازی کرسکتےہیں توہم بھی کرسکتےہیں
ان کا کہنا تھا کہ کل اس لیےایکشن نہیں لیاکہ ہمیں نقصان کااندازہ نہیں تھا، ہم ایکشن لےکربھارت کانقصان کرسکتےتھے، آج ہم نےجوابی کارروائی کی،کوئی جانی نقصان نہیں کیا، بھارت کوپیغام دیاکہ آپ دراندازی کرسکتےہیں توہم بھی کرسکتےہیں۔وزیراعظم نے کہا بھارتی طیاروں نےایل اوسی کراس کیاتوانہیں شوٹ ڈاؤن کیا، بھارت کےکچھ پائلٹس پاکستان کی حراست میں ہیں۔
عمران خان کا کہنا تھا کہ جنگ کسی بھی مسئلےکاحل نہیں، ورلڈوارٹوکچھ ماہ میں ختم ہونی تھی لیکن6سال لگ گئے، دہشت گردی کےخلاف جنگ بھی طویل عرصےسےجاری ہے، جو ہتھیار آپ کےپاس ہیں اورہمارےپاس ہیں کیااس کاغلط استعمال ہونےدےسکتےہیں۔بھارت سے کہتا ہوں عقل مندی دکھاناہوگی۔انھوں نے مزید کہا ہم نےبھارت کوکہاہم تیاربیٹھےہیں پھربھی ایسی حرکت کی گئی، پلواماحملے سے آپ کو دکھ پہنچا، ہم نےتحقیقات میں تعاون کی پیش کی، بھارت کوکہاتھااگرپاکستانی ملوث ہےتوتعاون کرنےکیلئےتیارہیں، بھارت سے کہتا ہوں عقل مندی دکھاناہوگی۔