اہم خبریں

بھارتی آرمی چیف بھی جنرل قمر جاوید باجوہ کے خدمات کا معترف۔

راولپنڈی (ٹی این این)بھارتی نجی ٹی وی چینل کو انٹرویو دیتے ہوئے جب بھارتی آرمی چیف سے پاکستانی آرمی چیف کے بارے میں سوال کیا گیا تو انہوں نے کہا کہ میں جنرل باجوہ کو پوری طرح فالو کرتا ہوں۔ وہ جو کہتے ہیں میں سنتا ہوں، میں مکمل طور پر فیڈ بیک لیتا ہوں ،میں اس بات کا بھی علم رکھتا ہوں کہ وہ کہاں کا دورہ کر رہے ہیں، میں اُن کو ہر انداز میں فالو کرتا ہوں۔
ڈی جی آئی ایس پی آر میجر جنرل آصف غفور نے جنرل بپن راوت کے انٹرویو پر ردعمل دیتے ہوئے کہا ہے کہ جنرل قمر جاوید باجوہ کا وژن علاقائی امن اور ترقی کا ہے، اچھا ہوتا کہ بھارتی آرمی چیف پاکستانی سپہ سالار اور ان کے امن وژن کو فالو کرتے۔ڈی جی آئی ایس پی آر نے کہا ہے کہ بھارتی آرمی چیف نے کہا کہ وہ پاکستانی آرمی چیف کو فالو کرتے ہیں، اچھا ہوتا کہ وہ جنرل باجوہ کے امن وژن کو بھی فالو کرتے، بھارت کو پاکستان کیساتھ دشمنی کوترک کرنا ہو گا۔