اہم خبریں

چلاس میں قبروں کی بے حُرمتی کرنے والا عامل پولیس کی گرفت میں۔

چلاس(ٹی این این) گزشتہ کئی ماہ سے ضلع دیامر کے شہر چلاس کے قبرستانوں کو کھود کر لاشوں کی بے حرمتی کرنے والے عامل کو دیامرپولیس نے گرفتار کرلیا۔ تفصیلات کے مطابق عامل عبدالطیف چلاس کے نواحی گاوں شلکٹ کے رہائشی ہیں جو گزشتہ کئی سالوں سے عامل کا کام کر رہے تھے۔پولیس نے جب عامل سے اس عمل کی شرعی حیثیت کے حوالے سے پوچھا تو اُس نے پولیس کو بتایا کہ وہ یہ کام لوگوں کی فلاح کیلئے اُنکے والد کی اجازت سے کر رہا لیکن اسلام میں اس عملی کی شریعت حیثیت کے حوالے سے علم نہیں۔
چلاس کے عوام قبروں کی مسلسل بے حرمتی سے گزشتہ کئی ماہ سے پریشان تھے ۔ اُنکی گرفتاری کے حوالے سے پولیس کی کارکردگی کو عوامی حلقوں میں سراہا جارہا ہے۔دوسری طرف ایس ایچ او چلاس شاہ سرور نے عوام کے نا م اپنے پیغام میں کہا ہے کہ عوام ایسے عناصر پر کڑی نظر رکھ کر فوری پولیس کو اطلاع دے دیں تاکہ پولیس بروقت کاروائی کرسکے۔