اہم خبریں

سعودی ولی عہد دورہ پاکستان،حکومت نے اپوزیشن کوعشائیے میں دعوت نہ دینے کا فیصلہ کرلیا۔

اسلام آباد(ویب ڈیسک/ٹی این این)حکومت نے سعودی ولی عہد محمد بن سلمان کے اعزاز میں دیئے گئے عشائیے میں اپوزیشن کو دعوت نہ دینے کا فیصلہ کیا ہے۔ذرائع کے مطابق حکومت نے اپوزیشن رہنماؤں کو سعودی ولی عہد شہزادہ محمد بن سلمان کے اعزاز میں دیئے عشائیے میں مدعو نہ کرنے کا فیصلہ کیا ہے۔اپوزیشن لیڈر میاں شہباز شریف، آصف زرداری اور بلاول بھٹو زرداری سمیت کسی اپوزیشن رہنما کو دعوت نہیں دی گئی۔ ذرائع کے مطابق حکومت نے اپوزیشن کے ساتھ خراب تعلقات کے باعث اپوزیشن رہنماؤں کو نہیں بلایا گیا جبکہ اپوزیشن رہنماؤں کے خلاف چلنے والے مقدمات بھی انہیں مدعو نہ کرنے کی ایک وجہ ہے۔ماضی میں اعلیٰ سطح دوروں میں اپوزیشن لیڈر وزیراعظم اور ایوان صدر کے عشائیوں میں مدعو ہوتے تھے۔