سعودی ولی عہدکا تاریخی دورہ پاکستان،سوشل میڈیا پرپروپیگنڈہ کرنیوالوں کیخلاف کارروائی کا فیصلہ۔

لاہور (مانیٹرنگ ڈیسک/ٹی این این) سوشل میڈیا کو استعمال کرنے والے ہو جائیں ہوشیار۔ وزارت داخلہ کا کہنا ہے کہ پاکستان میں آنے والے وی وی آئی پی وفد کے خلاف سوشل میڈیا پر مہم برداشت نہیں کی جائے گی۔ جبکہ اس کے علاوہ پاکستان میں آنے والے غیر ملکی وفود کے خلاف بھی سوشل مئڈیا پر مواد اور اشتعال انگیزی پھیلانے والوں کے خلاف بھی سخت کاروائی کی سفارش۔
تفصیلات کے مطابق سوشل میڈیا کو استعمال کرنے ہوشیار ہو جائیں۔ پاکستان میں آنے والے وی وی آئی پی وفد کے خلاف سوشل میڈیا پر مہم برداشت نہیں کی جائے گی۔ وزارت داخلہ نے مراسلہ جاری کر دیا۔مراسلہ میں کہا گیا ہے کہ پاکستان آنے والے ہائی پروفائل شخصیت کے خلاف بھی سوشل مئڈیا پر مواد کے خلاف سخت کارروائی کی جائے گی۔ سوشل میڈیا پر تعمیر وطن، امامیہ سٹوڈدنٹس آرگنائزیشن طالبات کراچی، امامیہ سٹوڈنٹس آرگنائزیشن پشاور، تحریک حمایت مظلومین جہان پاکستان اور شیعہ وحدت نیوز پر غیر ضروری مواد پایا گیا۔
وزارت داخلہ کی جانب سے جاری کردہ مراسلہ کے مطابق فیس بک پر انیس جبکہ ٹویٹر پر بیس اکاؤنٹس کو چیک کیا جا رہا ہے۔ سوشل میڈیا پر منفی مہم چلانے والے اکاؤنٹس کو چیک کیا جا رہا ہے۔ وزارت داخلہ نے سائبر ایکٹ کے تحت ایف آئی اے اور پی ٹی اے کو کارروائیاں کرنے کی ہدایات جاری کر دیں۔