اہم خبریں

فورس کمانڈر گلگت بلتستان سے چیف سکرٹیری اور دیگر محکموں کے سیکرٹریز کی ملاقات۔

گلگت(ٹی این این) فورس کمانڈر گلگت بلتستان میجر جنرل احسان محمود سے چیف سیکرٹیری گلگت بلتستان محمد خرم آغا اور دیگر محکموں کے سیکرٹریز اور سرکاری محکموں کے اہم افسران نے ایف سی این اےہیڈ کوارٹر ایف سی این اے میں ملاقات کی۔اس موقع پر گلگت بلتستان کو درپش تمام قسم کے مسائل زیر بحث آئے اور فورس کمانڈر نےیقین دلایا کہ گلگت بلتستان میں قیام امن اور عوامی فلاح بہبوو اور مسائل کی حل کیلئے سول ایڈمنسٹریشن اور پاک فوج مل کرگلگت بلتستان کے عوام کی بھلائی کو یقینی بنائیں گے۔ اس موقع پر اُنہوں نے گلگت بلتستان کے سرکاری افسران کا عوامی فلاح بہبود کیلئے ایمانداری کے ساتھ فرائض کے انجام دہی کو سراہتے ہوئے مستقبل میں بھی عوامی مسائل اُن کے گھر کی دہلیز پر حل کرنے کیلئے ہر ممکن کوشش کیلئے اُمید ظاہر کی۔