اہم خبریں

ڈسٹرک ہیڈکوارٹر ہسپتال سکرد ومیں ڈاکٹروں کے کمرے گرم،مریضوں کےواڑد زمیں برف جم گئے۔

سکردو(ٹی این این) ڈسٹرک ہیڈکوارٹر ہسپتال سکردو بلتستان کے چاروں اضلاع کا واحد علاج گاہ ہے۔لیکن اس ہسپتال میں سہولیات نہ ہونے کی وجہ سے مریضوں کو ہمیشہ کافی مشکلات کا سامنا رہتا ہے۔ میڈیکل آفیسر سرکاری کھاتے میں تشخیص کے بجائے ذیادہ تر مریضوں کو ذاتی کلینک کیلئے ریفر کرنے اور وہاں علاج کے نام پر لوٹ مار پر مسلسل عوامی شکایات کے باوجود محکمہ صحت کی طرف سے آج تک کوئی نوٹس نہیں لیا گیا۔ اس وقت سکردو میں سخت سردی کے عالم میں مریض اور بچے فرج نما وارڈ میں برف بن کر مزید بیمار ہورہا ہے لیکن وارڈ کے بجائے ڈاکٹروں کے کمرے گرم نظر آتا ہے۔ بچہ وارڈ میں سردی کی وجہ سے بلتستان کے دور دراز علاقوں سے بخار اور ملیریا کےمبتلاکئی درجن بچے ایڈمٹ ہیں لیکن ایک بڑے ہال میں صرف چند گھنٹوں کیلئے گیس ہیٹر کی سہولت موجود ہے اس وجہ سے ایک تو مریض کا حال پہلے سے ذیادہ خراب ہورہا ہے اور ساتھ ہی تیماداری کیلئے موجود لوگ بھی ذیادہ سردی کے وجہ سے بیمار ہورہا ہے لیکن ہسپتال انتظامیہ اپنی ذمہ داریوں سے مکمل طور پر غافل نظر آتا ہے۔حکومت کو چاہئے کہ بجلی کے اسپیشل لائنوں کو سرکاری افسران اور سفارشی افراد کے گھروں سے نکال کر ہسپتال میں سخت سردی کی وجہ سے بیماری کے بعد مزید بیمار ہونے سے بچائیں۔