سکردو میں منشیات کا دھندہ عروج پر،پولیس کی کارکردگی پر سخت سوال اُٹھ گیا۔

سکردو(کرائمز رپورٹ ٹی این این) سکردو میں منشیات کا دھندہ عروج پر محکمہ پولیس کی کارگردگی صفر ، اس حوالے سے قانون نافذ کرنے والے اداروں کی طرف سے خاموشی یا لاعلمی کی وجہ سے عوامی حلقوں نے سوشل میڈیا پر آواز اٹھانا شروع کردیا ہے۔ عوامی حلقوں کے مطابق سکردو میں چرس افیون کا کاربار عروج پر پہنچا ہوا ہے اور گلی گلی میں منشیات فروخت ہورہا ہے مگر محکمہ پولیس نے صرف ایک غیرمقامی شخص کو گرفتار کرکے اپنی کارگردگی سال میں ایک دفعہ ظاہر کرنے چکر میں ہوتا ہے۔ اسی طرح شراب بھی سکردو گلی کوچوں میں فروخت کررہا ہے مگر پولیس کی نظر وں سے اوجھل نظر آتا ہے۔
یاد رہے سکردو میں جب کبھی منشیات کے پھیلاو کی خبریں میڈیا پر لگ جائے تو مقامی پولیس سب سے پہلے ہنزہ سے تعلق رکھنے والے میاں بیوی اور ایک پٹھان کے پاس پونچ جاتے ہیں جبکہ اس دھندے میں مقامی سطح پر بھی ایک مکمل نیٹ ورک کام کررہا ہے لیکن سکردو پولیس نے شراب کے بیوپاریوں اور چرس کا دھندہ کرنے والے مقامی افراد کے خلاف کھی ایکشن نہیں لیا گیا۔ یوں اس وقت محکمہ پولیس کی منشیات کی روک تھام کے حوالے سے کارکردگی پر صفر ہے اور سکردو میں روز بروز منشیات کا دھندہ عروج کو پہنچ رہا ہے۔عوامی حلقوں نے گورنر وزیر اعلیٰ اور آئی جی گلگت بلتستان سے مطالبہ کرتے ہوئے کہا کہ منشیات کی کاربار کی روک تھام کیلئے ہنگامی بنیادوں پر اقدامات اٹھانے کیلئے آپریشن شروع کیا جائے