اہم خبریں

پنجاب میں گاڑیوں کی رجسٹریشن بک ختم کرکے اسمارٹ کارڈ متعارف کرادیا گیا۔

لاہور(مانیٹرنگ ڈیسک/ٹی این این) وزیراعلیٰ پنجاب عثمان بزدار کا کہنا ہے کہ صوبے بھر میں گاڑیوں کی رجسٹریشن بک ختم کرکے اسمارٹ کارڈ متعارف کرادیا گیا ہے جس کے ذریعے گاڑیوں کی رجسٹریشن میں جعلسازی کا خاتمہ ہوگا۔وزیر اعلیٰ پنجاب عثمان بزدار نے پنجاب کے دارالحکومت لاہور میں قائم ایکسائز آفس میں اسمارٹ کارڈ کا افتتاح کردیا۔اس موقع پر میڈیا سے گفتگو کرتے ہوئے انکا کہنا تھا کہ صوبے بھر میں گاڑیوں کی رجسٹریشن بک ختم کرکے اسمارٹ کارڈ متعارف کرادیا گیا ہے جس کے ذریعے گاڑیوں کی رجسٹریشن میں جعلسازی کا خاتمہ ہوگا۔
انہوں نے کہا کہ اسمارٹ کارڈ کے اجراء کیے جانے سے اب شہریوں کو رجسٹریشن بک اٹھانے کی زحمت نہیں کرنی ہوگی۔ اسمارٹ کارڈ کا نظام اسلام آباد میں موجود ہے جبکہ اب اسے عوام کی سہولت کے لیے پنجاب میں متعارف کرایا گیا ہے۔عثمان بزدار نے کہا کہ اسمارٹ کارڈ کی قیمت اسلام آباد میں 1500 اور کراچی میں 700 روپے ہے جبکہ یہ اسمارٹ کارڈ پنجاب میں صرف 520 روپے میں دستیاب ہو گا۔ ہم اس اسمارٹ کارڈ کا دائرہ کار پورے پنجاب میں پھیلائیں گے۔