ضلع کھرمنگ میں سیاحت کی فروغ کیلئے حکومتی سطح پرمثبت اقدامات سے عوام میں خوشی کی لہر دوڑ گئی۔

کھرمنگ(ذیڈ اے کھرمنگی) ضلع کھرمنگ میں چیف سکرٹیری گلگت بلتستان خرم آغا اور فورس کمانڈر جنرل احسان محمود کے دورے کے بعد سیاحت کے فروغ کیلئے ایک نئی امید پیدا ہو گئی ہے۔چیف سکرٹیری وفورس کمانڈر کی جانب سے خموش آبشار تک عالمی سیاحوں کیلئے رسائی دینے کی یقین دہانی وکارگل سکردو کوریڈور کھولنے کے حوالے سے مثبت پیشرفت کی یقین دہانی کو عوام میں زبردست پذیرائی مل رہی ہیں۔
کھرمنگ فورٹ کو شگر و خپلو فورٹ کی طرح ہوٹل میں تبدیل کر کے سیاحوں کیلئے کھولنے کے فیصلے پر عوام اسٹنٹ کمشنر شہریار شیرازی کو زبردست خراج تحسین پیش کرتے نظر آتےہیں۔واضح رہے ضلع کھرمنگ میں سیاحت کے وسیع مواقع موجود ہے ۔کھرمنگ میں متعدد آبشار ہونے کی بناء پر مقامی سطح پر انہیں آبشاروں کی سرزمین بھی کہا جاتا ہے۔جن میں سرفہرست منٹھوکھا آبشار، غاسنگ آبشار، طولتی آبشار، اولڈینگ آبشار،خموش آبشار سمیت ہر علاقے میں چھوٹے ،بڑے آبشار پائے جاتے ہیں۔کھرمنگ فورٹ(انٹھوک کھر) و خموش آبشار تک سیاحوں کو رسائی دینےسے مختلف علاقوں میں موجود جھیلیں ،سیاحتی و حسین مقامات بھی دنیائے سیاحت کے سامنے آنے کے وسیع امکانات پیدا ہونگے۔کھرمنگ میں عالمی سیاحت پر پابندی ہونے کی وجہ سے ماضی میں سیاحتی مقامات عالمی و ملکی سطح پر منظر عام پر نہیں آسکا۔جس کی وجہ سے ایک طرف کھرمنگ میں غربت و پسماندگی میں اضافہ ہوا تو دوسری طرف علاقہ جدید دنیا سے کٹ کر رہا۔عوام اور علاقے کے باشعور افراد ضلع میں سیاحت کے فروغ کیلئے اٹھائے جانیوالے ممکنہ اقدامات پر اطمینان کا اظہار کرتے نظر آتے ہیں۔سماجی رہنما انجیئنر امتیاز اور صدر اے ایس او اولڈینگ کھرمنگ اجلال حسین کا اس حوالے سے کہنا تھا کہ کھرمنگ میں حکومتی سطح پر سیاحت کے فروغ کیلئے اقدامات اٹھانے سے روزگار کے نئے مواقع پیدا ہو نگے۔اور علاقے کی خوبصورتی و مثبت چہرہ دنیا کے سامنے آئینگے۔انہوں نے مزید کہا کہ ہم جناب فورس کمانڈر جنرل احسان محمود،چیف سکرٹیری گلگت بلتستان خرم آغا،ڈی سی عباس علی،اسٹنٹ کمشنر شہریار شیرازی کا بہت مشکور ہیں جنہوں نے کھرمنگ میں سیاحت کے فروغکیلئے عملی اقدامات اٹھائے ہیں۔