اہم خبریں

غریبوں کے حق پر ڈاکہ ڈالنے پر مجھے تکلیف ہوتی ہے،تین سال کی نوکری والوں کو ملکی فیصلے کا اختیار نہیں۔آصف زرداری

حیدر آباد (ویب ڈیسک/ٹی این این) سابق صدر آصف علی زرداری نے کہا ہے 3 سال کی نوکری والوں کو ملکی فیصلے کرنے کا اختیار نہیں، 9 لاکھ مقدمے عدالتوں میں موجود ہیں۔ ہر شخص اپنی آئینی ذمہ داری ادا کرے۔حیدرآباد میں پیپلز پارٹی کے جلسے سے خطاب میں سابق صدر آصف علی زرداری نے پھر متنازعہ بیان داغ دیا۔ ان کا کہنا تھا کہ تین سال والے ملک کا فیصلہ نہیں کر سکتے۔ 9 لاکھ مقدمے عدالتوں میں موجود ہیں ان کو بھی حل کریں۔ ان سے سوائے مرغی انڈے کے کچھ کام نہیں ہوتا، اگر اُنہیں عقل نہیں تو اِنہیں کیوں لے کر آئے، اس سے بہتر تھا کہ آپ الیکشن ہونے دیتے اور جو بھی پارٹیاں آتیں وہ لڑ جھگڑ کر قومی حکومت بنالیتیں۔
سابق صدر کا کہنا تھا کہ چاہتا ہوں مجھے کرکٹ نہیں سیاست آتی ہے اور سیاست کرسکتا ہوں۔ ہم نے اپنے دور کے پہلے 100 روز میں مشرف کی چھٹی کی۔ وہ گھر گیا تو اسے سمجھ نہیں آئی کہ اس کے ساتھ کیا ہوا ہے۔ عوام کے مسائل کو صرف عوامی پارٹی حل کرسکتی ہے۔ یہ کٹھ پتلی حکومت کچھ نہیں سمجھ سکتی۔ مجھے اپنے حق پر ڈاکہ ڈلنے پر کوئی تکلیف نہیں لیکن غریبوں کے حق پر ڈاکہ ڈلنے پر مجھے تکلیف ہوتی ہے۔