اہم خبریں

مناسب پالیسی نہ ہونے کی وجہ سے گلگت بلتستان میں مائننگ اور منرلز کا شعبہ زبوں حالی کا شکار۔

شگر(عابدشگری)پالیسی نہ ہونے کی وجہ سے گلگت بلتستان میں مائننگ اور منرلز شعبہ زبوں حالی کا شکار اور اس سے وابستہ افراد فٹ پاتھ پر آگئے۔ شگر جیمز ایند منرلز ایسی ایشن شگر کے صدر سید حیدر شاہ نے جیمز اینڈ منرلز اہسوسی ایشن کے اجلاس یس خطاب کرتے ہوئے کہا ہے کہ گلگت بلتستان میں منرلزپالیسی مرتب نہ ہونے سے معدنیات کے شعبے وابستہ ہزاروں افراد مشکلات کا شکار ہے۔اور مائننگ زبوں حالی کا شکارہے۔انہوں نے چیف سیکریٹری گلگت بلتستان سے مطالبہ کیا ہے کہ منرلز ڈیپارٹمنٹ سے مل کرجلددرست اور عوام دوست پالیسی بناکر اس شعبے سے وابستہ افراد کی مشکلات کو حل کریں۔ شگر جیمز اینڈ منرلز ایسوسی ایشن کا اہم اجلاس شگر میں منعقد ہوا جس میں اس شعبے سے وابستہ افراد نے شرکت کی۔ اجلاس میں اس شعبے سے وابستہ افراد کی مشکلات پر گفتگو ہوئی۔ اجلاس کے شرکاء نے اس امید کا اظہار کیا کہ چیف سیکریٹری گلگت بلتستان اور سیکریٹری معدنیات گلگت بلتستان لوگوں کی مشکلات کا احساس کرتے ہوئے جلد عوام دوست پالیسی مرتب کرینگے۔