اہم خبریں

بیرون ملک سے فون لانے پر کتنا فیصد کسٹم ڈیوٹی دینا پڑے گا،فواد چودھری نے واضح کردیا۔

اسلام آباد(تحریر نیوزنیٹ ورک) وفاقی وزیر اطلاعات فواد چوہدری نے کہا ہے کہ 60 ڈالر سے کم قیمت کے فون پر ٹیکس نہ ہونے کے برابر ہے تاہم مہنگے فون پر 38 فیصد ٹیکس دینا ہوگا۔ اُنکا کہنا تھا کہ
اوورسیز پاکستانی اپنے ہمراہ صرف ایک فون لا سکتے ہیں اس پر ٹیکس نہیں ہوگا البتہ اضافی فون پر ٹیکس ادا کرنالازمی ہوگا۔ٹیوٹیر پر پیغام میں اُنکا مزید کہنا تھا کہ ہم دو ارب ڈالر کے موبائل درآمد کر رہے ہیں اس پر ٹیکس نہیں کریں گے تو کیسے چلے گا؟۔ اُنہوں کہا کہ اڑٹیس فیصد سے زیادہ مناسب ٹیکسیشن کیا ہوگی، ٹیکس کلچر کو اپنانا ہوگا.

یاد رہے کہ حکومت کی جانب سے سمندر پار پاکستانیوں کی جانب سے لائے گئے فون پر ٹیکس لگانے پر شدید تنقید کی جارہی ہے۔

اوور سیز پاکستانی فون لا سکتے ہیں اضافی فون پر ٹیکس ہے ، ہم دو ارب ڈالر کے موبائل درآمد کر رہے ہیں اس پر ٹیکس نہیں کریں گے تو کیسے چلے گا؟60 ڈالر سے کم قیمت کے فون پر ٹیکس نہ ہونے کے برابر ہے مہنگے فون پر 38% ٹیکس ہےاس سے زیادہ مناسب ٹیکسیشن کیا ہو گی۔ٹیکس کلچر اپنانا ہو گا https://t.co/YEHrLlNOgD

— Ch Fawad Hussain (@fawadchaudhry) December 11, 2018