اہم خبریں

تحریک انصاف کی حکومت نے گلگت بلتستان کو بری طرح نظر انداز کیا۔ جماعت اہلحدیث شگر

شگر(پ ر) اتحاداہلحدیث شگر کے رہنما عمران حسین نے کہا ہے کہ گلگت بلتستان کے حقوق کیلئے ہم ہر سطح پر کام کرنے والوں کے ساتھ دینگے اور گلگت بلتستان کی حقوق کیلئے جدوجہد کرینگے۔انہوں نے کہا کہ پاکستان تحریک انصاف کی وفاقی حکومت نے گلگت بلتستان کو بری طرح نظر انداز کیا جس سے ہمیں ان سے سخت مایوسی ہوئی۔اسی لئے گلگت بلتستان کے تمام زی شعور افراد ان سے نالاں ہے۔ ان کا کہناتھا کہ آئینی حقوق ہمارا حق ہے اسے ہم لیکر رہیں گے۔اور آئینی حقوق کیلئے جدوجہد کرنے والی ہر تنظیم اور پارٹ کیساتھ دینگے۔انہوں نے شگر سے پاسپورٹ آفس کی بندش پر بھی سخت تنقید کرتے ہوئے کہا کہ پی ٹی آئی کی حکومت اولین روز سے عوام کو دی گئی سہولیات چھیننے کی مہم پر ہیں۔انہوں نے مطالبہ کیا ہے کہ شگر میں پاسپورٹ آفس وقت کی اہم ضرورت ہے اسے فوری بحال کیا جائے۔