اہم خبریں

آرڈیننس آمرانہ قانون ہے، آرڈیننس کے ذریعے حکومت چلانے کی بھر پور مخالفت کرے گی۔خورشید شاہ

لاہور( ویب ڈیسک )پاکستان پیپلزپارٹی کے رہنما خورشید شاہ کا کہنا ہے پیپلز پارٹی آرڈیننس کے ذریعے حکومت چلانے کی بھر پور مخالفت کرے گی جب کہ وزیراعظم کے بیانات سے لگتا ہے کہ آمریت کے سائے منڈلا رہے ہیں‘لاہور میں میڈیا سے گفتگو میں پاکستان پیپلزپارٹی کے رہنما خورشید شاہ کا کہنا تھا کہ پیپلز پارٹی آرڈیننس کے ذریعے حکومت چلانے کی بھر پور مخالفت کرے گی لہٰذا حکومت آرڈیننس کے ذریعے حکومت چلانے اور پارلیمنٹ میں لڑائی سے گریز کرے ، حکومت کے پاس صرف 7 ووٹ کی اکثریت ہے ، آرڈیننس کے ذریعے آمریت کے دور میں حکومت چلائی جاتی ہے ‘خورشید شاہ نے کہا کہ لگتا ہے کہ حکومت آمریت کا نعم البدل بن رہی ہے ، وزیراعظم کے بیانات سے لگتا ہے کہ آمریت کے سائے منڈلا رہے ہیں، ملکی مفاد میں قانون سازی کے لیے پیپلز پارٹی حکومت کی حمایت پر تیار ہے ۔ ان کا کہنا تھا کہ حکومت بلوں پر مشاورت کرے ، پارلیمنٹ میں مکمل تعاون کیا جائے گا تاہم آرڈیننس کے اجرا پر حکومت کو ٹف ٹائم دیا جائے گا، پیپلز پارٹی پارلیمانی نظام پر یقین رکھتی ہے ‘پی اے سی اور قائمہ کمیٹیوں میں پیپلز پارٹی ارکان کی شرکت کے معاملے پر رہنما پیپلزپارٹی خورشید شاہ نے کہا کہ پیپلزپارٹی روایت پر عملدرآمد تک قائمہ کمیٹیوں کا حصہ نہیں بنے گی۔