اہم خبریں

گورنر ایک پاسپورٹ آفس بچا نہ سکا توایک خطے کا نظام کیسے سنبھال پائے گا۔رہنما ایم ڈبیلو ایم شگر

شگر(پ ر)مجلس وحدت المسلمین شگر کے رہنما و سیکریٹری اطلاعات محمد ظہیر عباس نے کہا ہے کہ جوگورنر ایک پاسپورٹ آفس بچا نہ سکا ہو کیا ایک صوبے کی نظام سنبھال پائے گا۔مسلم لیگ (ن) کے وزیر اعلیٰ اور پی ٹی آئی کے گورنر ہونے کے بائوجود گلگت بلتستان کے دو اضلاع سے پاسپورٹ آفس کی بحالی نہ روک سکا۔تبدیلی کیا خاک آئے گی۔پی ٹی آئی نے وفاق میں تبدیلی کے نعرے کیساتھ حکومت میں آنے کے بعد عوام کی کھال اتارنے اور لوگوں کو دی گئی سہولیات کو واپس لینے کی مشن پر گامزن ہے۔ضلع شگر اور نگر میں قائم پاسپورٹ آفس لوگوں کیلئے ایک بہتر سہولیات تھا اور سٹاف اور دیگر سہولیات کی کمی کے بائوجودریکارڈ میں مدت میں لاکھوں ریونیو کمارہے تھے۔تاہم پی ٹی آئی کی حکومت کو عوام کیلئے دی گئی اس سہولیات ایک آنکھ نہ بھائی اور اسے بند کردیا جوکہ قابل مذمت ہے۔ان کا کہنا تھا کہ ادارے عوام کی سہولیات کیلئے بنائے جاتے ہیں اگر انہیں صرف کمائی کا ذریعہ بنادیا جائے تو عوام کا خدا حافظ ہے۔ انہوں نے صوبائی اور وفاقی حکوم ت سے مطالبہ کیا ہے کہ پاسپورٹ آفس شگر اور نگر کو فوری طور بحالی کیلئے اقدامات کیا جائے۔بصورت دیگر ایم ڈبلیو ایم سخت احتجاجی کال دینے پر مجبور ہونگے۔