اہم خبریں

مولانا سلطان رئیس کی گرفتاری کے خلاف اسلام آباد میں عوامی ایکشن کمیٹی آذاد کشمیر کا احتجاج۔

اسلام آباد(تحریر نیوزنیٹ ورک) عوامی ایکشن کمیٹی آزاد کشمیر کے زیر اہتمام اسلام آباد پریس کلب کے سامنے احتجاج کیا۔ اس احتجاج میں عوامی ایکشن گلگت بلتستان اور آذاد کشمیر کے رہنماوں اور سول سوسائٹی کے لوگوں سمیت گلگت بلتستان اور آذاد کشمیر کے راولپنڈی اسلام آباد میں مقیم سیاسی سماجی رہنماوں اور اسٹوڈنٹس نے شرکت کی۔ مظاہرین نے حکومت کے خلاف شدید نعرے بازے کی اور عوامی ایکشن کمیٹی گلگت بلتستان کے مولانا سلطان رئیس ،بابا جان سمیت دیگر اسیران کی رہائی کا مطالبہ کیا۔ مظاہرین نے گلگت بلتستان میں انسانی حقوق کی خلاف وزریوں کے خلاف انسانی حقوق کیلئے کام کرنے والوں متوجہ ہونے کا مطالبہ کیا اور سی پیک میں گلگت بلتستان کو نظرانداز کرنے اور گلگت بلتستان کے وسائل پر رائلٹی دینے اور گلگت بلتستان کو مسلہ کشمیر کے تناظر میں بین الاقوامی کے تناظر میں حقوق دینے اور گلگت بلتستان میں فروتھ شیڈول جیسے کالا قانون کو ختم کرنے اور سٹیٹ سبجیکٹ کی خلاف ورزیوں کو روکنے کا مطالبہ کیا۔