اہم خبریں

ضلع شگر میں پاسپورٹ آفس مکمل طور پر بند،عوام سراپا احتجاج۔

شگر(تحریر نیوزنیٹ ورک)پاسپورٹ آفس شگر کی بندش کیخلاف عوامی ردعمل اور احتجاج کا خوف ڈائریکٹر پاسپورٹ اینڈ ایمیگریشن اسلام آبادنے پاسپورٹ آفس شگر کا دورہ کئے بغیر شگر فورٹ سے رفو چکر ہوگئے۔تفصیلات کے مطابق ڈائریکٹر پاسپورٹ جو کہ گذشتہ دنوں اپنے سرکاری دورے پر بلتستان ریجن پہنچا تھا انہوں نے شگر میں واقع پاسپورٹ آفس کا دورہ کرنا تھا جہاں وہ پاسپورٹ آفس کی بندش سے متعلق وریفکیشن بھی کرنا تھا ۔تاہم ان کے دورے کے دوران بڑی تعداد میں عوام پاسپورٹ آفس کے جمع ہوگئے جہاں انہیں پاسپورٹ آفس شگر کو بند نہ کرنے کیلئے درخواست اور مطالبہ کرنا تھا۔تاہم موصوف شگر فورٹ میں رات کا کھانا کھانے کے بعد پاسپورٹ آفس شگر کا دورہ کرنے کے بجائے وہی سے ہی رفو چکر ہوگئے۔جس کے بعد عوام میں شدید تشویش پائی جاتی ہے۔