اہم خبریں

قومی اسمبلی میں قائد حزب اختلاف شہباز شریف بھی مشکوک بنکینگ ٹرانزیکشن کی زد میں آگیا۔

لاہور(ویب ڈیسک) ایک نجی میڈیا ہاوس نے سابق وزیر اعلی پنجاب شہباز شریف کی جانب سے کی جانے والی مشکوک ٹرانزیکشن کی تفصیلات حاصل کرلیں۔ ذرائع کے مطابق نجی ٹی وی کا دعوی ٰ ہے کہ سابق وزیر اعلی کی جانب سے نجی بنک کی مسلم ٹاون برانچ سے 5 مشکوک ٹرانزیکشن کی گئیں۔ نیب ذرائع کے مطابق 4 ٹرانزیکشن میں سلمان شہباز شریف کا نام بھی موجود ہے۔ نیب لاہور نے نیو مسلم ٹاون کے نجی بنک سے ریکارڈ بھی طلب کر رکھا تھا جو 2 روز قبل جمع کروا دیا گیا ہے۔سابق وزیر اعلی کی جانب سے 4 مشکوک ٹرانزیکشن یکم جنوری 2017 کو کی گئیں اور پانچویں مشکوک ٹرانزیکشن 28 اپریل 2017 میں ہوئی۔ شہباز شریف نے یہ تمام ٹرانزیکشن اس وقت کیں جب وہ وزیر اعلی پنجاب تھے۔ نیب ذرائع کا کہنا ہے کہ سابق وزیر اعلی پنجاب اور سلمان شہباز ان مشکوک ٹرانزیکشن کا تسلی بخش جواب نہیں دے سکے۔نیب زرائع کا کہنا ہے کہ سابق وزیر اعلی پنجاب کی مشکوک ٹرانزیکشن کا ریکارڈ اسٹیٹ بنک آف پاکستان کے پاس بھی نہیں ہے۔ نیب کی جانب سے شہباز شریف کے خلاف بنک اکاونٹس اور مشکوک ٹرانزیشکن کی انکوائری یکم جنوری 2018 کو شروع کی گئی تھی۔