اہم خبریں

ضلع شگر سے تعلق رکھنے والے تین طالب علم راولپنڈی سے غائب۔

شگر(عابدشگری) شگر کے تین طالب علم کراچی جاتے ہوئے پنڈی سے دھرنے کے دن سے غائب۔تینوں طالب علم کو تحریک لبیک کے کارکنان ظاہر کرکے اڈیالہ جیل میں ہونے کا انکشاف، تفصیلات کے مطابق شگرسے تعلق رکھنے والے تین طالب علم سکردو سے کراچی اپنے تعلیم کے سلسلے میں دھرنے والے دن راوالپنڈی پہنچے تھے۔جہاں سے تاحال غائب ہے۔ان کے گھر والوں کے مطابق تینوں طالب علموں کو پولیس نے دھرنا مظاہرین کی شبہ میں گرفتار کرکے اڈیالہ جیل منتقل کردیا۔جہاں سے تاحال تینوں کو کسی عدالت میں پیش نہیں کیا گیا اور بدستور جیل میں رکھا ہوا ہے۔طالب علموں کے نام وسیم ،شیر خان اور حسن خان بتایا جاتا ہے۔طالب علموں کے گھر والوں نے وزیر اعلیٰ گلگت بلتستان ، گورنر گلگت بلتستان اور دیگر اعلیٰ حکام سے اپیل کی ہے کہ ان بے گناہ طالب علموں کی باعزت رہائی کیلئے فوری اقدامات کریں۔