اہم خبریں

قومی ائرلائن کی پرواز حادثے کا شکار،تمام مسافر ین محفوظ۔

کراچی (ویب ڈیسک)پی آئی اے کا طیارہ بڑے حادثے سے بچ گیا۔ کراچی سے پنجگور جانیوالی پرواز پی کے 517 دوران لینڈنگ رن وے سے ٹکرا گئی۔ سی ای او نے واقع کا نوٹس لے لیا۔ فلائٹ سیفٹی آپریشن کو واقع کی تحقیقات کے احکامات جاری کردئیں۔ میڈیا رپورٹ کے مطابق ترجمان پی آئی اے نے کہا ہے کہ رن وے سے ٹکرانے والا طیارہ بحفاظت اتار لیا گیا۔ اس دوران تمام مسافر الحمداللہ محفوظ رہے اور گھروں کو جا چکے ہیں۔لینڈنگ کے دوران ٹائروں کو معمولی نقصان پہنچنے کے باعث واپسی کی پرواز میں کچھ تاخیر متوقع ہے۔ ترجمان پی آئی اے کا کہنا تھا پی آئی اے کا عملہ واپسی کے مسافروں کا مکمل خیال رکھا رہا ہے اور جلد ہی واپسی پرواز روانہ ہو جائے گی۔ذرائع کے مطابق ٹائروں کو نقصان پہنچا، تمام مسافر محفوظ رہے۔ ترجمان پی آئی اے کا کہنا ہے ٹائروں کی مرمت کے باعث پرواز کی کراچی واپسی میں تاخیر ہوگی۔