اہم خبریں

تحریک انصاف کی حکومت نے معاشی مشکلات سے نکلنے کیلئے آئی ایم ایف جانے کا حتمی فیصلہ کرلیا۔

واشنگٹن (آن لائن نیوزڈیسک) واشنگٹن میں فورم سے خطاب کرتے ہوئے وزیراعظم کے مشیر عشرت حسین نے کہا ہے کہ معاشی مشکلات کے باعث آئی ایم ایف کے پاس جانے کا فیصلہ کیا، عالمی مالیاتی ادارے کی جانب سے بات چیت کے لیے وفد نومبر کے پہلے ہفتے میں آئے گا، پاکستان کے دفاعی اخراجات میں بہت زیادہ رقم خرچ نہیں ہوتی۔اُنہوں نے کہا آئی ایم ایف کے ساتھ مذاکرات میں قومی مفاد کو سامنے رکھا جائے گا، ان کے علم میں نہیں پاکستان میں آئی ایم ایف کے علاوہ دوسری آپشن پر غورکیا جا رہا ہے، ان کے امریکا آنے تک کوئی ایسی آپشن زیرغور نہیں تھی۔ انہوں نے بتایا کہ پاکستان کے دفاعی اخراجات میں بہت زیادہ رقم خرچ نہیں ہوتی، جی ڈی پی کا 3 فیصد سے بھی کم دفاعی اخراجات پر خرچ ہوتا ہے، 15 سو ارب قرضوں کی ادائیگی پر خرچ ہونا ہمارا بڑا مسئلہ ہے۔حکومت نے مالیاتی خسارہ کم کرنے کے لیے نئے بجٹ میں پہلے سے اقدامات کیے ہیں، جنہیں آئی ایم ایف کی جانب سے سراہا گیا ہے، موجودہ حکومت توانائی سیکٹر، مینوفیکچرنگ اور انڈسٹری میں اصلاحات چاہتی ہے، ملک میں نئے صنعتی زون بھی قائم کیے جائیں گے جبکہ ایف بی آر میں بھی اصلاحات کی جا رہی ہیں، امید ہے کہ رواں سال کرنٹ اکائونٹ خسارہ کم ہو گا۔