اہم خبریں

ڈپٹی اسپیکر جی بی قانون ساز اسمبلی جعفراللہ خان نے عوامی ایکشن کمیٹی کے خلاف محاذ کھول دیا۔

گلگت(تحریر نیوزنیٹ ورک) گلگت بلتستان قانون ساز اسمبلی کے ڈپٹی اسپیکر اپنے مخصوص انداز اور روئے کہ وجہ سے ہمیشہ خبروں میں رہتے ہیں۔ آج ایک بار پھ اُنہوں نے اپنے عہدے پر غرور دکھاتے ہوئے عوامی ایکشن کمیٹی پر قابل افسوس طنز کیا ہے۔تفصیلات کے مطابق عوامی ایکشن کمیٹی کے چیرمین مولانا سلطان رئیس نے اپنے سوشل سائٹ فیس بُک پر سپریم کورٹ میں زیر سماعت گلگت بلتستان آرڈر 2018 کے خلاف پٹیشن اور گلگت بلتستان کے حوالے سے سپریم کورٹ کا وہاب الخیری کیس کے فیصلے پر عمل درآمد کا مطالبہ کرتے ہوئے مطالبہ منظور نہ ہونے کی صورت میں عوامی مزاحمت کا عندیہ دیا۔ اس پوسٹ پر جعفراللہ خان نے طنزیہ طور پر کمنٹس میں(کیا پدی کیا پدی کا شوربہ ) لکھ دیا۔ اُنکا یہ کمنٹس اس بات کو ظاہر کرتی ہے کہ اُن کے نزدیک عوامی منڈیٹ کی کوئی حیثیت نہیں بلکہ وہ اپنے عہدوں اور مراعات میں مست ہیں۔ اس کمنٹس کے بعد اُن نہیں فیس بُک صارفین کی طرف سے آڑے ہاتھوں لیا جارہا ہے۔